Matiu 13:20 - DAWAN BÎLA AISKA

²⁰ Walpa nani tilara saumuk nani kauhan ba lika, upla nani sturi yamni ba wali, liliakira bri banhwi ba baku sa,

Matiu 13:20 ပူးပေါင်းရင်းမြစ်များ

2 Kronikas 24:14

Bara sut paski daukan bara king ra brih wata bara Joiadá ra sin lalahka kau takaskan ba, bara witin nani win lalahka kau tawan ba ni tempel ra diara yus munaia dukia nani ba paskaia, daiwra aiska angkaika Dawan ra tingki wi mayunaia dukiara, ispan tara nani gul ni paskan bara silbar ni sin. Joiadá raya kan piua sut ra, tempel ra tingki wi mayunaia daiwra aiska angki mayuni kan.

2 Kronikas 24:2

Joás daukanka nani ba Dawan nakra ra yamni kaikan, prîs Joiadá raya kan piua ra.

2 Kronikas 24:6

Bamna king bui prîs tara Joiadá ra winan, bara naku win: —¿Dîa muni man Libait nani ra karna munras, witin nani Juda bara Jerusalem wina brih balaia, prisantka nani Dawan napakanka Moses bui Israel tawanka ra adar yan ba, baha uplika nani wahbi banhwata ba tint watla ba dukiara?

Aiseya 58:2

Witin nani yu bani ai plikisa, bara yabalki nani ba kaikaia brin daukisa wisa, wibia kaka upla kasakkira nani baku, ai Gâdka lâka ba sauhkras kan baku; witin nani lâika kasak ba sauhkras baku makabisa, bara brin daukisa yang laimara balaia.

Matiu 13:19

Yabal ra saumuk nani kauhan ba lika, Gâd king aimaki ba lâka sturka yamni walan sakuna tânka briras nani ba baku sa; dibil ba aula, bara ai kupia ra sturi yamni mangkan kata ba, mihta dakbisa.

Matiu 13:21

sakuna plamaika aitani tihu apia bamna, aihwa sip ban takaskras; bara sturi yamni ba tâwan trabil nani bara rausauhkan nani brisa piua ra, witin nani ba batakan sa.

Matiu 7:8

Kan ya ya makabi ba brisa; ya pliki ba, sakisa; bara ya dur ra kingbi ba, witin ra kwâkan sa.

Mark 6:20

Herod pain kaikan Jan ba waitna kasakkira bara holikira kan, baha mita witin ra sibrin luki kan; bamna Herod mita yan saura munras. Jan smalkanka ba wali, sakuna Herod dîa daukaia sapa tânka briras kan, ban sakuna pain pali wali kata.

Jan 5:35

Jan lika lamp kumi baku klauhi ai ingnika saki kata, bara man nani mita wilin banhwi katma piua prahni kum ai ingnika ra lilia kaia.

Apastil Nani Sturka 8:13

Baha Saimanka sin kasak lukan bara tahbi daukan, bara witin Pilip wal ban tauki kan. Witin tâ iwan pali sin taki kan baha sain nani bara wark aihka nani dauki kan ba dukiara.