Matiu 13:19 - DAWAN BÎLA AISKA

¹⁹ Yabal ra saumuk nani kauhan ba lika, Gâd king aimaki ba lâka sturka yamni walan sakuna tânka briras nani ba baku sa; dibil ba aula, bara ai kupia ra sturi yamni mangkan kata ba, mihta dakbisa.

Matiu 13:19 ပူးပေါင်းရင်းမြစ်များ

Sins Lâka 1:7

Dawan ra kulkaia lâka ba sins lâka tâ krikanka sika; taniskira nani ba, sins lâka bara diara wan smalkan ba bahki kulkisa.

Sins Lâka 17:16

¿Dîa muni upla sinskas ba, ai mihta ra lalah brih aula sins lâka atkaia, witin diara tânka kaikaia briras ba ra?

Isikiel 31:18

Eden ra dus nani bâra ba kumi sin witin wal sip prakras kata kulkanka ba bara pâwanka yarika ba wal sin; bara ban sakuna, Eden dusa wala nani wal baku mâyara iwbia, tasbaya tasba munhtara bâra ba kat iwi wabia, idan nani tilara iwaia, upla nani war ra pruan nani ba tilara. ‘Baha dusa tara ba king fero sa ai uplika sut kira. Yang, Dawan, kasak aisisna.’ ”

Matiu 12:26

Baku sin, Sitan mita Sitan pali ra kangbi sakisa kaka, witin yaban dakwi takan sa; ¿bara baku kaka, ai karnika ba nahki ban kabia?

Matiu 13:20

Walpa nani tilara saumuk nani kauhan ba lika, upla nani sturi yamni ba wali, liliakira bri banhwi ba baku sa,

Matiu 13:38

nasla ba lika naha tasbaya. Saumuk yamni ba king tasbaya uplika nani sa; inma saura ba dibil uplika nani,

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Matiu 5:37

Witin nani wisa ‘âu’, aisin ba baku âu kabia; witin nani wisa ‘apia’, aisin ba baku apia kabia, baha wina kau wala aisabia, baha saura.

Mark 4:15

Upla tila lika ban saumuk nani yabal ra kauhan ba wal baku sa: witin nani sturi yamni ba walisa, sakuna walan ningkara, Sitan bal sturi yamni ai kupia ra mangkan kata ba sakisa.

Luk 10:9

sikniskira nani bahara kaka, râks, bara naku sin wis: ‘Gâd king aimaki lâka ba pat man nani lamamra sa.’

Luk 9:2

Witin baha nani ba blikan, Gâd Kingka Lâka sturka ba smalkaia, sikniskira nani sin rakaia.

Jan 18:38

Pailat pana win: —¿Bamna diara kasak ba dîa? Naha makabi walan ningkara, Pailat kli taki Ju nani ra wih, naku win: —Naha waitnika wîna ra watawanka kumi sin yang sakras pali.

Jan 8:43

¿Dîa muni man nani ra diara mai wisna ba sip tânka briras sma? Baha lika man nani mita smalkanki ba walaia want apia sma bamna.

Apastil Nani Sturka 17:32

Pruan nani kli buaia dukiara aisin walan ba ra, tila nani mita lawaska kikan. Wala nani bila: —Kau pain kabia piua wala ra kli naha aisanka na walaia.

Apastil Nani Sturka 18:15

sakuna naha na, bîla nani dukiara, bara nina nani, bara man nani lâmka nani dukiara sa bamna, man nani baha wapni dauks, kan yang want apia sna nahmuna dukia nani lâka daukaia.

Apastil Nani Sturka 20:25

“Bamna yang naiwa kasak pali mai wisna, man nani tilamra Gâd King aimaki ba lâka smalki tauki kapri ba, kli maiwan kaikma apia.

Apastil Nani Sturka 28:23

Bamna yu kumi mangki yan, bara baha yua ra upla ailal pali balan Pal takaski kan ba watla ra. Titan wina tutni kat baha nani ra aisin Gâd King aimaki Lâka ba dukiara. Bara Pal baku Jisas tânka aisi baha nani ba kupia lakaia muni kan, Moses lâka wina, bara prapit nani Ulbanka ba wina sin.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 2:8

sakuna lawan tara bara kupia baiwanka wal Gâd mita klala yabia, baha nani ai wîna kat baman luki ba, bara diara kasak ba bîla wali daukaia watlika ra diara saura ni dauki nani ba.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

2 Tesalonaika 2:12

Naha tâka mita, ya ya kasak tânka ra uya lukras, sakuna saurka lâka ra kau lihki kan nani ba, pât ra lulkan kabia.

Hibru Nani 2:1

Baha mita sika, yawan diara nani walan ba pain pali alki kaia sa, bara baku mika yawan yabal ba wina tnaya ra tawbia apia.

1 Jan 3:12

Yawan lika Ken baku kaia apia sa; witin lika dibil uplika kan ba mita, ai muihni ra ikan. ¿Bara dîa muni ikan ki? Kan Ken dîa dauki kan ba saura baman kan, kuna Abel dîa dauki kan ba lika yamni pali kata.

1 Jan 5:18

Yawan kaikisa ani uplika Gâd ba ai Aisika kulki ba, witin saurka tilara wataukras; kan Gâd Luhpia ba mita main kaiki brisa, bara Sitan mita sip lamara waras sa.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.