Matiu 13:11 - DAWAN BÎLA AISKA

¹¹ Witin bila: “Man nani ra lika Gâd mita kasbrika purara ba Kingka Lâka dahra yukukan nani ba param mamrikisa; sakuna witin nani ra lika apia.

Matiu 13:11 ပူးပေါင်းရင်းမြစ်များ

Lawana Nani 25:14

Dawan bui witin ra luki mayuni uplika nani ba, ai pânika pali kulkisa; witin ai lâka daukan ba marikisa.

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 29:11

Man nani namkra ra lilka nani kaikisma ba sut pura prakan; wauhtaya kum ulbi karbi praki swin ba baku. Bara aisi kakaira kum ra witin nani aisi kaiki yabia, bara witin ra wibia: “Nanara naha aisi kaiks”, bara pana wibia: “Yang sip kaikras, kan naha na sîl prakan ba mita.”

Aiseya 35:8

Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Matiu 13:10

Bara disaipil nani Jisas lamara wih, naku makabi walan: “¿Dîa kan upla nani ra maprika lilka nani ra man aisisma?”

Matiu 16:17

Bara Jisas witin ra win: —Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia.

Matiu 19:11

Jisas mita win: —Upla sut naha tânka sip pain briras, Gâd mita naha tânka briaia yan uplika nani ba baman lika.

Matiu 20:23

Jisas pana aisin: —Kasak. Man nani kapki wina dima, sakuna aihkiki ra bara smihki ra iwaia ba lika yang mita yabaia sip apia. Baha lika ya ya dukia wisi Aisiki ridi daukan ba, baha nani ra yaban kabia.

Mark 10:40

sakuna yang mihti aihkika ra bara smihki ra sin iwaia ba lika, yang mita yaia sip apia sna. Baha lika ani uplika nani dukia wisi ridi daukan ba, baha nani ra yan kabia.

Mark 4:11

Bara Jisas win: “Man nani ra lika Gâd king aimaki ba lâka dahra yukukan nani ba param mamrikan sa; sakuna latara uplika nani ra lika maprika lilka ni smalkan sa;

Luk 8:10

Bara witin bila: “Gâd mita man nani ra lika ai kingka lâka diara yukukan nani ba tânka briaia maikan sa; sakuna upla wala nani ra lika maprika ra baman aisisna, witin nani kau kaikbia, bara kau kaikras takbia, bara kau walbia ba ra, kau tânka bribia apia.

Jan 6:65

Bamna Jisas bila: —Baha mita sika yang bui man nani ra mai wîri, upla kumi sin yang ra balbia apia, Aisa mita brih balras sa kaka.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Apastil Nani Sturka 16:14

Witin nani wina kumi ba nina Lidia, Tiatira tawanka wina, kwala painkira mapla balianta wauhi âiatkra kan. Mairka ba Gâd ra mayuni kan, bara witin sin bâra wali kata; Dawan mita ai kupia ba ilingkan, Pal dîa aisi ba aman pali walaia.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

1 Korint 13:2

Gâd aikan bîla dahra nani ba aisaia sip kamna kra, dahra prakan tânka nani ba sut kakaira kamna kra, sins lâka sât sât bri kamna kra, il nani ba ai pliska wina kitbi sakaia kasak lukan lâka aitani kat bri kamna kra, sakuna latwan lâka âpu sna kaka, yang lika bahki sni.

1 Korint 15:51

Sakuna dahra prakan kum na wals: Yawan sut lika prubia apia; sakuna sut aihka wan lakan kabia,

1 Korint 2:14

Spirit âpu uplika ba, Gâd Spiritka prisantka nani ba sip briras sa, kan witin mapa ra baha dukia nani sins âpu baku atia sa. Witin sin sip tânka briras, baha tânka nani ba Spirit ni tânka pliki kaikaia sa bamna.

1 Korint 2:7

Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara.

1 Korint 4:1

Baku bamna, man nani mita yang nani na Kraist dukia dadaukra nani baku ai kulkaia sma, Gâd dahra prakan tânka nani ba aisi smalkamna wisi wan mangkan ba.

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

Epesus 1:18

Gâd ra makabisna man nani sinskam ba ilingbia, baku mika tânka bri kama dîa dukia bîla kaikaia wisi mai paiwan ba, bara Gâd ai uplika nani ra diara yaia pramis munan ba nahki yuyakira bara pranakira sa,

Epesus 1:9

bara witin ai brinka yukukan ra ba sin wan marikan, baha sika witin Kraist bâk diara sut tnata alkaia luki kan ba.

Epesus 5:32

Naha na dahra prakan tara kum sa, bara yang aisisna naha na Kraist wih ai sertska ba wal tânka sa.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Kolosi 2:2

Aiklabisni baha nani sut ai kupia nani ra tâ baikanka bribia, aikuki asla latwan lâka ra kabia, bara diara tânka kaikaia kasak ba bribia, bara Gâd tânka yukukan ra ba bribia, baha sika Kraist witinka pali ba;

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

1 Timoti 3:9

Witin nani ba kasak lukan lâka dahra prakan nani ba pain kakaira nani kaia sa, bara baku sin ai kupia dara lukra ba klin bri kabia.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.