Matiu 12:36 - DAWAN BÎLA AISKA

³⁶ Bamna yang mita naha mai wisna: Lâ daukan kabia yua ra, upla sut ai bîla swak taki aisin nani ba dukiara ai dahra sakaia kabia.

Matiu 12:36 ပူးပေါင်းရင်းမြစ်များ

Smasmalkra 12:14

Gâd wan daukanka nani sut ba lâka daukbia, pain daukan, apia kaka saura daukan ba, bara dîa yukuwan ra daukan ba sin.

Matiu 10:15

Kasak pali mai wisna: Lâ daukanka tara yua ra, Sodoma bara Gomora tawanka wal baha uplika nani kau pât tara bribia.,

Matiu 11:22

Sakuna yang bui man nani ra mai wisna, lâ daukbia yua ra, Tiro bara Sidón uplika nani wal, man nani kau pât saura brima.

Matiu 12:37

Kan man bîlam aisaram nani tâka wina lâmka daukan kabia, bara pâtkas apia kaka pâtkira mai kulkan kabia.”

Roman 14:12

Baku bamna, yawan kumi bani wan tânka ba saki Gâd ra param wibia.

Roman 2:16

Sturi yamni smalkisa ba kat, baku sika baha yua Gâd mita Jisas Kraist bâk upla nani sut tânka yukuwan ra ba kat lâ daukbia.

Jems 3:6

Bara wan twisa ba pauta klauhan kum baku sa. Wan twisa wan wîna tara ra mangkan ba lika, watawan lâka ni aibanhwan pali sa; bara wan wîna aiska sauhkisa. Hil pauta pali ba mukan sa, bara baha mita wan rayaka aiska mukisa.

Param Marikanka 20:12

Bara pruan nani ba kaikri, tara nani bara sirpi nani, Gâd mawanra ai mina ra bûi kan. Wauhkataya nani ba kwâkan kan, bara wauhkataya wala sin kum, baha sika raya kaia wauhkataya ba. Pruan nani ba dîa dauki kan ba kat lâka daukan kata, dîa baha wauhkataya nani ra ulban ba kat.