Matiu 12:34 - DAWAN BÎLA AISKA

³⁴ ¡Piuta kiamka nani! ¿Nahki sip sma ki diara pain nani aisaia, kan man nani pali saurakira sma ba? Kan wan bîla ni aisi ba lika wan kupia aibanhwan ba wina aula.

Matiu 12:34 ပူးပေါင်းရင်းမြစ်များ

Lawana Nani 53:1

Sinskas nani ba lukisa, Dawan âpu: witin nani ba sut tanis baman tiwan sa, diara watawi baman daukisa, upla kumi sin âpu sa diara yamni dauki ba.

Lawana Nani 64:3

Baha nani ai twisa, sord baku mala dauki bara trisba nani lulki baku, bîla saura puisin nani aisisa.

Lawana Nani 64:5

Witin nani ai tila kat sin saura daukaia lukisa; witin nani mini alkaia wisi, yukuwan ra daukisa bara sin lukisa, upla sip witin nani ra kaikras.

Sins Lâka 16:23

Upla sinskira luki kaiki ba, tânkira sturi aisisa, ai bîla aisinka nani ba sin, tânka kau param aisi marikisa.

Sins Lâka 4:23

Lukankam main kaiks diara sut purkara, kan witin sika rayaka kârma.

Aiseya 32:6

Kan upla kupia saura nani ba kupia saura lâka aisisa, ai lukanka ba watawi daukaia lâka baman dukiara lukisa, lâ krikaia daukaia dukia baman plikisa Dawan mapara aisisa, plun dauki nani ba mihta ra diara yabras swin auya diran dauki nani ba diranka yabras.

Aiseya 59:14

Baha mita wapni lâka ba tnaya ra tawan, kasakka lâka ba sin laihura taki wan, yawan wan kasakka lâka bri wal pulaia pliska ra mina prukan, bara nanara wapni lâka ba sip balras.

Aiseya 59:4

Kasakka lâka dukiara wini ba kumi sin âpu, wapni lâka dauki lâ ba sin âpu sa; bahki lâka ra baman kupiam mangki brisatma, bara kunin lâka ra kau lukisma bara sturi bahki nani ra sin; watawika lâka nani ra, kwihra tiwisma bara saurka lâka luhpia baikisma.

Aiseya 9:17

Baha ba mita sika, Dawan ba wahma, tiara, rau bara sin piarka nani ra umpira kaikras kan ba. Witin nani sut ba, kuninkira, saura dadaukra, bîla tanis nani baman aisi uplika kan. Baha sut daukan, sakuna Dawan kupia baiwanka ba dasras kan; ai mihta bukan ba ban sa.

Matiu 12:35

Upla yamni ba diara yamni nani aisisa, ai kupia ra diara yamni baman sa bamna, upla saura ba diara saura nani aisisa, saurka ba ai kupia ra sa bamna.

Matiu 15:18

Sakuna wan bîla wina taki ba, baha ba wan kupia wina aula; naha sika upla ra tâski dauki ba.

Matiu 23:33

“¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Luk 3:7

Upla nani Jan Tatahbra mita tahbi daukan kabia dukiara aidrubi balan kan nani ra, witin naku aisi kan: “¡Piuta kiamka nani! ¿Ya mita man nani ra maisam pakan baha pâtka tara wan lamara aula ba wina plapi swak takaia?

Luk 6:45

Upla yamni ba sturi yamni baman aisisa, kan ai kupia ra diara pain baman bâra sa; bara upla saura ba sturi saura baman aisisa, kan saurka ba ai kupia ra sa. Bamna wan bîla ni aisi ba, wan kupia ra bri ba wina takisa.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Epesus 4:29

Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Epesus 5:4

Swira dukia nani aisapara, sins âpu bîla nani, bîla tâski nani sin aisapara, kan naha diara nani na pain apia sa; kau pain kabia Gâd ra baman tingki wi kaia.

Jems 3:2

Yawan sut watawi uya daukisa; bara ya ai bîla aisi ba wal watawi kumi sin daukras kaka, baha ba upla wapni sa; witin ai wîna tara aiska ra sin alki takaskaia sip sa.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Samuil 24:13

Wan damika nani aisinka kum ba naku wisa: ‘Watawika lâka ba, watawikira nani wina sa’; ba mita yang pali lika king tara ra mihti bukamna apia.