Matiu 11:21 - DAWAN BÎLA AISKA

²¹ “¡Corazín tawanka, man mampara alai pali kabia! ¡Betsaida tawanka, man mampara sin alai pali kabia! Kan man nani tilamra sain aihka nani daukan baku Tiro bara Sidón tawanka ra sim baku daukan kaka, baha uplika nani pat ai kupia lakan kaia kan, bara latan marikaia kan sari kwalka dimi bara yamhpus sin aimaki.

Matiu 11:21 ပူးပေါင်းရင်းမြစ်များ

Job 42:6

Baha mita dîa sna ba wina kupi lakisna, tasba yuya bara yamhpus ra iwisna ba wina.

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Joel 3:4

“Tiro, Sidón bara Filistea, ¿man nani ba yang wina dîa brin mai daukisa ki? ¿Man nani pana diara ai munaia lukisma ki? ¿Diara kum mana, yang wina sakaia lukisma ki? Man nani pana ai munaia lukisma kaka, ¡man nani dîa daukram ba nanara pali lamla purara blikamna!

Emus 1:9

Dawan naku aisisa: “Tiro uplika nani ba saura ailal pali daukan, bamna yang bui witin nani ba, sip klala yabras ban swimna apia; kan witin nani mita tawan kum uplika nani sut alki priski, Edom tawanka ra bri si, alba kaia atkan, witin nani ai muihni nani aikuki lâ kum dauki bri kan ba.

Matiu 11:22

Sakuna yang bui man nani ra mai wisna, lâ daukbia yua ra, Tiro bara Sidón uplika nani wal, man nani kau pât saura brima.

Matiu 15:21

Jisas baha wina taki, Tiro bara Sidón tasbaya ra wan.

Matiu 18:7

¡Tasba mapara nahki saura pali kabia saura daukaia paiwanka nani ailal pali ba mita! Baha piua bani bâra kabia, ¡sakuna ya mita upla wala ra saura daukaia munan saura dauki ba uplika mapara alai pali kabia!

Matiu 26:24

Upla Luhpia Waitna ba, Ulbanka nani ra dîa ulban ba yabalka bâk waia sa, ¡sakuna waihla mihta ra mangki ba uplika ba mapara lika saura pali kabia! Kau aitani kaia kan baha uplika ba aisubi takras kan kaka.

Mark 3:8

Jisas sain tara nani daukan ba wali upla ailal aidrubi balan, Judia wina, Jerusalem wina, Edom wina, Jordan awala lalma wina, Tiro bara Sidón kuntrika wina sin sut.

Mark 6:45

Naha ningkara, Jisas yaban ai disaipilka nani ba duri tara ra aimakbia, bara lakun ba baila wala ra lubia, Betsaida ra, witin kainara wabia win, witin bui upla nani ba mahka bliki kan bamna.

Mark 7:24

Jisas baha wina Tiro tasbaya ra wan. Utla kum ra diman ba ra, upla sin yaka walbia want apia lukan, sakuna witin sip yukukras kata.

Mark 7:31

Jisas kli Tiro tasbaya wina taki, Sidón bara 10 tawan (Decápolis) bâk wan, bara Galili lakunka ra balan.

Mark 8:22

Witin nani Betsaida ra wan, upla nani mita waitna blain kum Jisas ra brih balan, bara witin ra makaban ai mihta ni kangbia.

Luk 4:26

Bamna Gâd mita Ilayas ba baha piarkika nani Israel ra bâra kan ba kumi ra sin blikras kata, sakuna Sidón tasbaya ra tawanka kum nina Sarepta, bahara piarka mairin kumi iwi kan ba ra lika blikan.

Luk 6:17

Jisas il ba wina bal iwi, baha nani aikuki twi langni kum ra takaskan. Bahara upla sin manis pali kata, Judia lamara tawan sirpi nani ba wina, Jerusalem wina, bara kabu un tani Tiro bara Sidón wina sin. Naha nani aidrubi balan Jisas ra walaia bara ai sikniska nani wina sin rakbia dukiara.

Luk 9:10

Apastil nani kli aidrubi balan ba ra, dîa dîa witin nani daukan ba sut Jisas ra maisa pakan, bara witin baha nani brih, plis kum ra aihka saki brih wan tawanka nina ba Betsaida.

Jan 1:44

Pilip lika Betsaida tawanka wina kata, Andru bara Pita tawanka ba.

Jan 12:21

Baha Grikka nani ba mita Pilip Betsaida Galili kuntrika wina ba lamara bal, makabi win: —Mâsa, yang nani Jisas kaikaia want sna.

Apastil Nani Sturka 12:20

Herod lika ai kupia baiki kata, Tiro bara Sidón wal tawanka ra iwi uplika nani mapara, kuna yu kum witin nani sut aidrubi balan witin ba mawanra. Sakuna witin nani lalah ni Herod suldiarka wihtka kumi wal uplika taki banhwan, baha nina ba Blasto kata. Bamna witin bâk kupia kumi lâka makaban, witin nani ai tasbaya ba king kuntrika wina ai pata bri kan bamna.

Apastil Nani Sturka 27:3

Yu wala, yang nani Sidón ra bal banhri, bahara Julio mita Pal ra yamni yaban taukan, witin swin wan ai uplika nani kaikaia, dîa kra luha sa kaka uplika nani ba mita yabia.

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.

Param Marikanka 11:3

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”

Param Marikanka 6:12

Sîp Luhpia ba sîl matlalkahbika ba krikan ba ra, yang kaikri bara tasba nikban tara takan. Lapta ba siksa takan sim sari kwalka siksa baku, bara kati ba pauni pali takan tala baku;