Matiu 11:18 - DAWAN BÎLA AISKA

¹⁸ Kan Jan balan, bara diara diras, plun sin uya piras, bara man nani wisma witin ba pirit saura kum brisa.

Matiu 11:18 ပူးပေါင်းရင်းမြစ်များ

2 King Nani 9:11

Naha diara nani ningkara Jehú ba ai kiaptinka wihtka nani ra wan, bara naha nani bui makabi walan: —¿Dîa trabil? ¿Dîa dukiara naha grisi na man ra balan? Bara witin bui pana win: —Man nani ba kakaira sma bara witin ai daukanka ba sin kakaira sma, nahki ai aisinka natka ba tânka brisma.

Jirimaya 15:17

Baha nani lilia baman kaia luki nani ba tila wina aihka takisna, man bui yang Dawanki takram yua ba wina yakan wataukri, kupiam baiwanka nani ba ni ai banhkram bamna.

Jirimaya 29:26

Dawan mita prîs kum kaia mai mangkan sa Joiadá watlika ra, man tempel ra pura kakaira nani ba sut pura kaiki kaia. Bara upla kum tanis taki prapit aisi baku aisi kabia kaka, man mita alki mina ba dus unta klauhbanka ra mangki, silak ni awa daukan ba ni priski swima.

Oseas 9:7

¡Klala yabaia yua nani ba pat bal aimakan! ¡Witin nani mana pali aibapaia yua pat balan! ¡Israel ai dahra walbia baha yua pat balan ba! Man nani aisisma: “Prapit ba sinskas kum sa. Diara takuya ba tânka bri, aisi uplika ba grisi kum sa.” Witin nani baku aisisa, kan watawika ni banhwan mita, prapit misbara pali kaiki mita.

Matiu 10:25

Sip sa sika disaipil ba ai smasmalkra wal baku takaia, aitani lukaia sa, bara alba ba sin ai dawanka wal baku kaia. Utla dawanka ba Bilsibub mâkisa kaka, ¿witin ai watla uplika nani ra lika kau nina sauhkbia apia ki?

Matiu 11:17

‘Yang nani bra puhbi maikri, kuna man nani lilia pulras; yang nani sari lawana aiwani maikri, sakuna man nani inras.’

Matiu 3:4

Jan prâka ba kiamil tâwa ni daukan kan, ai maisa wila ba lika daiwan taya ni paskan kan, ai pata ba lika tristrisia nani bara unta wina nasma laya.

Matiu 9:34

Sakuna parisi nani aisi kan: —Pirit saura nani wihtka mita baha nani kangbi sakaia karnika yabisa.

Mark 3:22

Lâ Smasmalkra nani Jerusalem wina balan ba sin aisin: “Naha waitnika Bilsibub brisa, pirit saura nani wihtka ba, bara witin karnika mita sika pirit saura nani kangbi saki ba.”

Luk 1:15

Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Jan 10:20

Witin nani ba wina manis aisin: —Witin ba pirit saura kum brisa bara lal saura kaka, ¿dîa muni man nani bui witin ra walisma?

Jan 7:20

Upla nani ba mita pana win: —¡Man pirit saura kum brisma baku sa! ¿Ya man ra mai ikaia want sa ki?

Jan 8:48

Bamna Ju nani Jisas ra win: —Yang nani aisisna ba lika kasak sa: man ba Sameria uplika kum sma bara pirit saura brisma.

Jan 8:52

Bara Ju nani pana win: —Nanara yang nani kasak kaikisna, man lika pirit saura kum brisma. Ebraham bara prapit nani sut pruan, bamna man wisma: ‘Ya yang bîli alki bribia kaka, prubia apia ban kaia ra.’

Apastil Nani Sturka 26:24

Naha diara nani na wal Pal ai tânka param saki aisin ba ra, Festo ai tâ baiki wini, aisin: —¡Pal, man diara uya stadi munram ba mita lamla grisi takan!

1 Korint 9:27

Sakuna, wîni tara na rausauhkisna bara taibi munisna bîli walbia, baku mika yang bui upla wala nani ra smalkisna tâinka ba aihwa apia ai kulkbiara sîa.