Matiu 11:17 - DAWAN BÎLA AISKA

¹⁷ ‘Yang nani bra puhbi maikri, kuna man nani lilia pulras; yang nani sari lawana aiwani maikri, sakuna man nani inras.’

Matiu 11:17 ပူးပေါင်းရင်းမြစ်များ

Blasi Sturka 50:10

Witin nani Jordan awala lalma tani ra Goren-ha-atad kat wan bara bahara witin nani wik kum takaskan, pruan ba priaska tara kum dauki, ai aisa pruan ba sarka kasak inan.

1 King Nani 1:40

Baha ningkara upla nani witin ai nina bliki wan, bara upla nani plut puhbi aiwani banhwi kan. Lilia tara pali sin dauki banhwi kata, upla nani wini yahwi kan ba mita, tasba sin ai mâyara slakwi baku kan.

Aiseya 30:29

Sakuna man nani mampa tani lika aiwani lilia tara daukaia brima, tihmia ra Dawan liliaka tara dauki baku; kupiam lilia pali kabia plut puhbi kan Dawan ilka ra waia, Israel yukuwaika ra waia wapi ba baku.

Jirimaya 31:4

Kli mai paskamni, Israel. Kli balma pulaia dukia nani wal bara lilia dans puli kira.

Matiu 11:16

“¿Naha piua uplika nani na dîa wal prakaia sip kamna ki? Witin nani lika tuktan lupia nani pulaia pliska nani ra iwi ai pânika lupia nani ra naku winbia:

Matiu 11:18

Kan Jan balan, bara diara diras, plun sin uya piras, bara man nani wisma witin ba pirit saura kum brisa.

Matiu 9:15

Jisas bila: —¿Marit pata ra paiwan uplika nani ba sip sa ki sari briaia, marit takan waitnika ba kau witin nani aikuki ba ra? Sakuna piua kum balbia, bara marit takan waitnika ba witin nani wina dakbi sakan kabia; bâra mika witin nani plun pibia apia.

Matiu 9:23

Ju nani wihtka watla ra Jisas wan ba ra, kaikan miusik uplika nani ba pat bikaia ridi kan, bara upla nani sin bin dauki kan.

Luk 15:25

“Baha piua ra, luhpia waitna almuk ba insla ra kata; witin insla wina pat utla lamara balan ba ra, miusik lilia dans puli binka ba walan.

Luk 23:27

Upla ailal ai nina bliki kan, mairin nani sin ini, sarikira pali witin dukiara wini banhwi kata.

Luk 7:32

Sim tuktan nani wal baku sa, witin nani pulaia pliska ra pulaia iwisa, ai pânika nani ra naku wini ba: ‘Yang nani plut puhbri, sakuna man nani lilia pulras; yang nani sin sari lawana nani aiwanri, sakuna man nani lika inras.’

Luk 8:52

Upla sut bâra kan ba pura mata ini yahwi kan. Sakuna Jisas bila: —Man nani inpara; tuktan mairin na pruras, witin yapisa.