Matiu 11:11 - DAWAN BÎLA AISKA

¹¹ Kasak pali mai wisna, upla ailal naha tasba ra iwan ba tilara Jan ba kau tara sa; sakuna kasbrika purara Kingka lâka ra kau mâyara ba Jan purkara sa.

Matiu 11:11 ပူးပေါင်းရင်းမြစ်များ

Job 14:1

Mairin wina aisubi takan uplika bani ba, rayaka kunhku brisa, pât dimaia lamara ban sa.

Job 14:4

Upla kumi sin âpu sa diara tâski ba wina diara sunu sakaia.

Job 15:14

Upla sunukira ba âpu sa, ai pâtka wina pri ba sin âpu sa.

Job 25:4

¿Sip sa ki upla bahki kumi ba, Gâd kaiki ba ra pâtkas bara sunukira kaia?

Lawana Nani 51:5

Yang kasak daihra walisni, saurakira sna ba, aisubi takri ba wina. Saurakira sna, yaptiki biara ra kapri ba wina.

Aiseya 30:26

Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Sakaraya 12:8

Yang, Dawan, Jerusalem ra iwi uplika nani ba kan kahbamna. Upla kau swapni pali nani ba, Debit wal kau karna kabia, Debit kiamka nani ba Dawanka kabia, Dawan insalka baku, witin nani tâura aimaki ba.

Matiu 11:10

Jan dukiara sika Ulbanka ra naku wi ba: ‘Yang naipakan kainamra blikuna, yabalkam ridi daukaia dukiara.’

Matiu 11:12

“Jan Tatahbra balan wina naiwa yua kat, kasbrika purara ba King aimaki lâka ba pât wahwisa, bara upla nani mita ai karnika ni pura lui ai mihta ra briaia lukisa.

Matiu 3:1

Baha piua ra, Jan Tatahbra Judia ra upla iwras tasbaya ra balan bara upla ra smalki,

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Matiu 5:19

Baha mita, ya ya lâ bîla kum kau sirpi ba kra bîla walras kaka, bara upla wala ra sin baku daukbia wisi smalkbia kaka, Gâd king aimaki ba lâka ra witin ba kau mâyara kulkan kabia. Sakuna ya mita lâ bîla nani ba bîla wali ai uplika ra sin baku daukbia wisi smalkbia kaka, Gâd king aimaki ba lâka ra witin ba tara kulkan kabia.

Luk 1:15

Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Luk 7:28

Yang mai wisna, upla nani sut tilara, Jan Tatahbra baku prapit tara wala kumi sin âpu sa; ban sakuna, ya Gâd kingka lâka ra sirpi baku ba, Jan purkara kau tara sa.

Luk 9:48

naku win: —Ya yang nini ra luki naha tuktika na bribia kaka, yang ai brisa; bara ya yang ai bri ba, ai blikan ba ra sin brisa. Bamna ani uplika man nani tilamra kau mâyara kulkan ba, baha sika kau tara ba.

Jan 1:15

Jan, witinka dukiara witnis aisi, naku win: “Naha sika baha witin dukiara yang aisi katna ba, naku aisi: witinka ninira aula ba lika, yang wal kau tara sa, kan yang âpu kapri ba ra, witin pat bâra kan.”

Jan 1:27

bara witinka yang ninira aula ba. Yang bui witin sûska awa pan sin lanhkaia aitani apia sni.

Jan 10:41

Upla ailal Jisas kaikaia balan ba, naku aisi banhwi kan: —Âu, Jan lika wark aihka nani daukras kan, sakuna naha waitnika dukiara diara nani aisi kan ba lika sut kasak pali kan.

Jan 3:30

Witin ba kau tara takaia sa, sakuna yang lika kau mâyara tawaia sni.

Jan 5:35

Jan lika lamp kumi baku klauhi ai ingnika saki kata, bara man nani mita wilin banhwi katma piua prahni kum ai ingnika ra lilia kaia.

Jan 7:39

Naha tânka na wal, Jisas wiaia want kan, ya witin ra kasak lukbia ba Spirit ba bribia. Baha piua ra Spirit ba kau balras kan, Jisas kau ai prana daukras kan bamna.

1 Korint 15:9

Kan yang na apastil sut tilara kau mâyara sna, bara apastil ai mâkaia sin aitani apia sni, yang pali sika Gâd sertska rausauhkri ba.

1 Korint 6:4

Bamna, man nani ba yawan yu bani bri bisniska nani dukiara unsaban brisma kaka, ¿nahki witinka nani serts mapara bahki nani ba wihta mangkisma ki?

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

2 Timoti 1:10

sakuna nanara wan Sasakra Jisas Kraist balan ba mita, naha latwanka lâka na latan marikan sa. Kraist bui prura karnika ba sauhki tikan, bara sturi yamni bâk, sip sauhki tikras rayaka ba witin param marikan.

Hibru Nani 11:40

kan Gâd ba yawan dukiara diara kau pain kum pat luki saki bri kan. Gâd diara daukaia luki kan ba lika, baha nani ba yawan aikuki asla kaka lika kasak aihwa nani daukaia sip kan.

1 Pita 1:10

Patitara piua ra prapit nani naha swaki sakan lâka tânka na pain pali pliki sakaia munan; bara Gâd ai painka mita man nani ra maikaia kan ba dukiara aisi kan.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.