Matiu 10:6 - DAWAN BÎLA AISKA

⁶ sakuna Israel nisanka sîpka tiwan nani ba ra was.

Matiu 10:6 ပူးပေါင်းရင်းမြစ်များ

Lawana Nani 119:176

Yang na aimawahkri sa, sîp kum baku; ¡bal ai pliki ai sâks, man lâmka bîla nani yang âiya tiwras bamna!

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 50:6

Yang upliki nani ba sîp nani tiwan baku kan, sepadka nani mita saura tapahkan, swin il nani ra wih aimawahkaia. Il kum wina il wala ra wan, ai klarka nani kata ba sin ban âuya tiwan.

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Isikiel 34:4

Man nani sîp swapni takan ba tâ baikras, siknis nani ba rakras, mina kriwanka ba sin blakras, tnaya ra tawuya nani ba kli brih balras, tiwuya nani ba sin plikras, kuna karna lâka ni munisma.

Isikiel 34:6

Yakabrira takan unta nani tilara bara il tara nani ra, bara tasba aiska ra tiwan, bara upla kum sin âpu kan baha dukiara lukaia bara pliki waia.

Isikiel 34:8

Yang, Dawan ba, rayaki wal swer takisni: Daiwan wail sât sât nani ba implikan bara sîpki nani ra pin, kan sepad âpu bamna. Sepadki nani ba sîp nani ba plikaia waras. Sepad nani ba klauna ai mainka kaikisa, kuna sîpki nani lika apia.

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 18:11

[Kan Upla Luhpia Waitna ba lika tiwan kan ba swaki sakaia balan.]

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.

Apastil Nani Sturka 26:20

Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Apastil Nani Sturka 3:26

Bamna Gâd ai Luhpia Jisas pruan wina kli bukan ba ra, witin ba man nani ra pas blikan man nani ra yamni mai munaia, man nani kumi bani saurkam nani ba swiaia bara kupiam lakaia.”

1 Pita 2:25

Kan man nani pas piua sîp aimawahkan nani baku tauki kapram, sakuna nanara kli Kraist ra tawi balram, bara witinka sika sepad baku tâm brisa bara sulkam nani sin main kaikisa.