Matiu 10:28 - DAWAN BÎLA AISKA

²⁸ Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Matiu 10:28 ပူးပေါင်းရင်းမြစ်များ

2 King Nani 17:39

Kau kanra, Dawan man nani Gâdkam ra sibrin luks, bara baku lika yang mita man nani ra waihlam nani sut mihta ba wina dakbi mai sakamna.”

Job 37:24

Baha mita upla nani mita witin ra sibrin brisa, sinskira nani ba witin ai mapa ra diara apia sa.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Smasmalkra 5:7

Baku bamna yaprisauhkan saura nani bara sturi ailal nani; bara diara tânkas nani tilara, man Gâdkam ra bawikira bara kulkanka yabaia sma.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Jirimaya 5:22

Yang Dawan sna ba, naku wisni: ¿Dîa man nani bui yang ra sip si briras sma ki? ¿Dîa man nani maiwanra sip tatatras sma ki? Kabu un kir tawan ba baku sika yang mita kabu piarkika ba mangkri, ripka tara nani karna âpu tilwisa bara bin tara daukisa, sakuna piarkika ba wina luras sa.

Matiu 10:26

“Baha mita, man nani upla nani ra sîa bripara. Kan dîa dîa pura prakan ba param sakan kabia, bara dîa dîa yukuwan ra ba sin pain kaikan kabia.

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Jan 5:29

raiti wina buan kabia. Yamni daukan nani ba buan kabia raya kaia lâka ba briaia; sakuna saura daukan nani ba lika buan kabia, pât tara ra lulkan kabia dukiara.

Apastil Nani Sturka 21:13

Sakuna Pal win: —¿Dîa kan man nani ini, kupi ra sari ai dingkisma ki? Kan yang ridi sni ai priskan kaia baman apia, sakuna Jerusalem ra sin pruaia Dawan Jisas tâwan.

Hibru Nani 10:31

¡Gâd rayakira ba mihta ra kauhaia lika diara saura pali sa!

Hibru Nani 11:35

Mairin nani bâra kan, ai taika pruan nani ba kli raya taki buan ba bri banhwan. Wala nani lika pri lâka briaia apia win, bara saura pali rausauhkan mita prui tiwan, witin nani kli raya mita rayaka kau pain kum alki briaia dukiara.

Jems 4:12

Bamna Gâd mita lâ ba yaban, bara witin sika lâ wihtka aimaki ba. Bara witin baman swaki wan sakaia sip sa, bara iki wan tikaia sin. Bara, ¿man ba ya sma ki, uplikam lâka daukisma ba?

1 Pita 3:14

Sakuna man nani rayakam wapni ba tâwan pât wahwi kama kra, kuna lilia kama. Upla kumi ra sin sîa yapara, si bripara,

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.