Matiu 10:25 - DAWAN BÎLA AISKA

²⁵ Sip sa sika disaipil ba ai smasmalkra wal baku takaia, aitani lukaia sa, bara alba ba sin ai dawanka wal baku kaia. Utla dawanka ba Bilsibub mâkisa kaka, ¿witin ai watla uplika nani ra lika kau nina sauhkbia apia ki?

Matiu 10:25 ပူးပေါင်းရင်းမြစ်များ

2 King Nani 1:2

Bara Ocozías ba king watla kum Sameria ra kan ba windarka pura pali ba wina kauhan, bara latwan pali brin. Bara sturi twatwilkra nani bliki win, Ecrón gâdka Baal-zebub ra tânka pliki kaikbia, naha sikniska na wina witin rawbia sapa.

Matiu 12:24

Parisi nani naha walan ba ra, naku aisi banhwan: “Naha waitnika lika Bilsibub, dibil nani wihtka ba, witin mita naha waitnika ra karnika yabisa lasa nani ba kangbi sakaia.”

Matiu 12:27

Man nani wisma yang na Bilsibub karnika mita pirit saura nani kangbi sakisna; bamna baku kaka, ¿ninam blablikra nani ra ya mita karnika yabisa baha nani kangbi sakaia? Baha mita, witin nani pali mita latan marikisa man nani na mistik aisisma.

Matiu 9:34

Sakuna parisi nani aisi kan: —Pirit saura nani wihtka mita baha nani kangbi sakaia karnika yabisa.

Mark 10:39

Witin nani bila: —Yang nani sip sna. Jisas witin nani ra win: —Kasak pali: yang dimna kapka ba wina dima, bara yang ra tahbi ai daukbia ba man nani ra sin tahbi mai daukbia;

Mark 3:22

Lâ Smasmalkra nani Jerusalem wina balan ba sin aisin: “Naha waitnika Bilsibub brisa, pirit saura nani wihtka ba, bara witin karnika mita sika pirit saura nani kangbi saki ba.”

Luk 11:15

Sakuna upla tila nani bila: “Naha waitnika pirit saura nani kangbi saki ba, Bilsibub karnika mita, kan witin sika lasa nani wihtka sa.”

Luk 11:18

Baku sin, Sitan yakan dakwi takbia kaka, ¿nahki ai karnika ba ban kabia ki? Naha yang wisna, kan man nani ai wisma, yang pirit saura nani kangbi sakisna Bilsibub karnika ni.

Luk 11:19

Baha ba baku sa kaka, ¿ya mita ninam blablikra nani ba ra baha nani kangbi sakaia karnika yabisa ki? Baha mita witin nani marikisa man nani lika mistik ra sma.

Jan 10:20

Witin nani ba wina manis aisin: —Witin ba pirit saura kum brisa bara lal saura kaka, ¿dîa muni man nani bui witin ra walisma?

Jan 7:20

Upla nani ba mita pana win: —¡Man pirit saura kum brisma baku sa! ¿Ya man ra mai ikaia want sa ki?

Jan 8:48

Bamna Ju nani Jisas ra win: —Yang nani aisisna ba lika kasak sa: man ba Sameria uplika kum sma bara pirit saura brisma.

Jan 8:52

Bara Ju nani pana win: —Nanara yang nani kasak kaikisna, man lika pirit saura kum brisma. Ebraham bara prapit nani sut pruan, bamna man wisma: ‘Ya yang bîli alki bribia kaka, prubia apia ban kaia ra.’