Mark 8:33 - DAWAN BÎLA AISKA

³³ Sakuna Jisas kir tawi ai disaipilka nani ra kaiki, bara Pita ra lawi dauki, aisin: —¡Yang wina taki was, Sitan! Kan lukankam ba Gâd lukanka baku apia sa, sakuna upla lukanka ba brisma.

Mark 8:33 ပူးပေါင်းရင်းမြစ်များ

2 Samuil 19:22

Sakuna Debit pana win: —¡Seruiá luhpia nani, naha na man nani daukaia lâka apia sa! ¿Dîa kan maipara buisma? Aman daira walisna yang na Israel kingka sna, bamna naiwa yua ra Israel kumi sin prubia apia.

Job 2:10

Job pana win: —¡Mairin, man diara tanis aisapara! Gâd wina diara yamni wanki ba yawan wilinkira brisa kaka, ¿dîa muni diara saura wanki ba sin yawan briras kabia? Baku bamna, baha sut tilara Job ai bîla aisinka ni wiria pan saura yaras kan.

Lawana Nani 141:5

Upla kasakkira klala aikbia kaka, kupia pihni lâka kabia, bara lawi ai daukbia kaka sin isint kîa kum baku kabia. Baha sut bahki lulki swimna apia; yang ra ai prukbia sin ban puri suni kamna.

Libait Lâka 19:17

“Muihkam mapara kupiam ra saura luki kapara. “Lawi dauks uplikam ra, lawi daukaia aitani sa kaka. Sakuna witin saura dauki ba tilara kapara.

Matiu 15:23

Sakuna Jisas pana diara kumi sin wiras. Bara ai disaipilka nani bal, makabi, naku win: —Mahka blîks wabia, wan ninara ban wini aula bamna.

Matiu 16:23

Sakuna Jisas kir tawi, Pita ra win: —¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Mark 3:34

Bara ai lamara iwi kan nani ba ra tawi kaiki, naku aisin: —Naha nani sika yaptiki bara muihki nani ba.

Mark 3:5

Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win: —Mihtam ba sakbram. Bara sakban, ai mihta ba pain takan.

Luk 22:61

Dawan tawi Pita kat kaikan, bara Pita ai kupia krawan, Dawan bui witin ra dîa wisata ba dukiara: “Naiwa kau kalila wainhka aiwanras ba ra, pat aima yumhpa ai kaikras wima.”

Luk 4:8

Sakuna Jisas pana win: —Ulbanka ba wisa: ‘Man Dawan Gâdkam ra puram suni mayuns, bara witin dukia baman dauks.’

Luk 9:55

Sakuna Jisas witin nani ra tawi kaiki, lawi daukan.

1 Korint 5:5

baha waitnika ba Sitan mihta ra mangkan kaia sa, ai wîna tara ba sauhki tikaia dukiara, bara ai spiritka ba lika Dawan Jisas balbia yua ra, swaki sakan kabia.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

1 Timoti 5:20

Sakuna saura dauki nani ba lika, upla sut mawanra lawi daukaia sma, uplika wala nani ba sibrin dauki banhbia dukiara.

Taitus 1:13

Bara witin diara kasak ba kat aisan. Ba mita sika man mita baha nani ra karna pali lawi dauks, bara baku lika witin nani ba kasak lukan lâka mapa ra yamni nani kabia;

1 Pita 4:1

Baha mita, Kraist ai wîna ra pât wahwan ba baku, man nani sin pât wahwaia wilin kaia sma. Kan ani uplika pât wahwan kaka, saurka ba mahka swin sa,

1 Jan 2:15

Tasba na bara diara nani bilara ba, latwan kaikpara. Ani uplika tasba ra latwan kaiki ba, Gâd Aisa ra sip latwan kaikbia apia;

Param Marikanka 3:19

Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.