Mark 7:9 - DAWAN BÎLA AISKA

⁹ Baku sin win: —Man nani lâmka nina bliki, Gâd lâka ba tnaya ra ni swisma.

Mark 7:9 ပူးပေါင်းရင်းမြစ်များ

Lawana Nani 119:126

Dawan, pat piua aimakan sa diara kum daukaia, kan witin nani man lâmka ba wali daukras bamna.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 7:25

Gâd Laih Purara iwi ba swira dauki kabia, bara uplika nani ra sin âpu dauki kabia, ban trai munbia Gâd lâka ba lakaia, baku sin Gâd lilia yua tara daukaia ba, Gâd uplika nani ba ai karnika mununhtara kabia mani yumhpa pura bakriki.

Mark 7:13

Baku, man nani bui Gâd lâka ba bahki kulkisma, lâmka nani upla wala ra laki yabi ba mita. Bara diara wala bahmuna nani daukisma ba mita sin.

Mark 7:3

(Kan parisi nani bara Ju nani sut ai damika nani lâka ba nina bliki kan, baha lika ai mihta nani aima manis sikbras kaka, plun piras.

Mark 7:5

Bara parisi nani, Lâ Smasmalkra nani kira Jisas ra makabi walan: —¿Dîa kan disaipilkam nani, wan damika nani lâka ba kulkras, bara ai mihta nani sunu apia ban plun alki pîsa?

Roman 3:31

Bamna, ¿naha kasak lukanka lâka na mita yawan lâ ba bahki sakisa ki? ¡Sip apia pali! Sakuna, yawan mita lâ ba kau karna sakisa.

2 Korint 11:4

Kan man nani lika uya kupiam alki takaski brisma, baha nani Jisas sât wala dukiara smalki ba mapara, yang nani mita smalkatna Jisaska sât apia ba; bara spirit sât wala, yang nani smalkri Spiritka sât apia ba, man nani pain brisma, bara swaki sakan sturka yamni pat mai smalkri ba sâtka apia smalkanka sin alki bri banhwisma.

Galesha 1:14

Ju nani lâka ba kat, yang wal pâwan uplika nani wal, yang kau tâura impaki kapri, kan yang sika damiki nani lâka kau karna dauki main kaiki bri kapri bamna.

Galesha 2:21

Baha mita, Gâd latwanka ba bahki kulkan ai daukras; kan upla kum lâ bîla wali dauki ba mita Gâd mita kasakkira kulki kan kaka, Kraist dus prihni ra pruan ba lika diara bahki pali kaia kan.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.