Mark 7:7 - DAWAN BÎLA AISKA

⁷ Yang ra ai pura suni mayunbia ba bahki sa, kan ai smalkanka nani ba upla lâka man sa.’

Mark 7:7 ပူးပေါင်းရင်းမြစ်များ

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Malaquía 3:14

Naha sika man nani aisaram ba: ‘Dawan warkka daukaia ba wark bahki sa. ¿Witin ai warkka daukaia wanki ba dauki wina yawan dîa yamnika sakaia sip sa ki, sari kwalka dimi, Dawan karnika sut bri ba mawanra watauki kaia ba?

Matiu 15:9

Yang ra mayunra aikbia ba bahki kabia, ai smalkanka nani ba upla lâka atia sa bamna.’

Matiu 6:7

“Puram sunisma ba ra, bîla bahki nani kli kli aisapara, Gâd kakaira apia nani dauki ba baku, witin nani lukisa baku aisi kabia bara Gâd lika witin nani ra kau wali kabia.

1 Korint 15:14

bara Kraist ba kli buras sa kaka, yang nani smalkisna sturka ba bahki sa, bara man nani kasak lukan lâka brisma ba sin bahki.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

Kli Smalkanka 12:32

“Ban main kaiki bri, yang dîa mai wîri ba alki brih trai kaiks daukaia, pura prakaia apia, dakbi sin sakaia apia.

Kolosi 2:22

Naha lâka sut lika diara bahki tiwi ba baku sa, upla adarka brih smalkanka baman sa.

Taitus 3:9

Sakuna blahwanka tanis nani, wan almukka nani sturka yari nani ba, Moses lâka tânka, unsaban nani bara aiklabanka nani ba, man lamara wapara. Baha diara nani ba bahki bara tânkas nani sa.

Jems 1:26

Upla kum wisa witin kristian, sakuna ai twisa ba sip alki takaskras kaka, ai wîna ra kunin munisa, bara ai kristianka lâka ba bahki sa.

Jems 2:20

Sakuna, man upla sinskas kapara, bara kasak lukan lâka bri ba, daukanka yamni ba wal sa, kasak lukanka marikras kaka, baha ba diara kum pruan sa.

Param Marikanka 22:18

Baha nani sut naha dahra aisin bîla wali ba naha wauhkataya ra ulban na, yang baha nani ra naku wisni: Ya naha bîla nani ra pura prakbia kaka, Gâd mita witin purara pâtka bribia naha wauhkataya ra ulban na pura prakan bamna.

1 Samuil 12:21

Kunin gâdka nani nina blîkpara, baha nani hilp mai munras, swaki sin mai sakras, kan witin nani ba kuninkira nani sa bamna.