Mark 7:22 - DAWAN BÎLA AISKA

²² marit lâka sauhkaia, upla wala dukia brin dauki ba, saura lâka nani, kunin lâka, brinka saura lâka ba, tuman lâka ba, upla nina aisaia, praut lukaia ba, sinskas kaia tânka.

Mark 7:22 ပူးပေါင်းရင်းမြစ်များ

2 Kronikas 32:31

Baku takan kata Babilon ra sin, baha nani ai tâ uplika nani blikan wan ba piua ra, bara sin bal win kan nahki sain aihka tara kum takan ba baha tawanka ra. Bara Dawan bui Ezequías ra yakan swin, witin ai kupia mununhta ba kaikaia bara dîa luki ba sin kaikbia dukiara.

Lawana Nani 10:4

Ai kakma snungki lawi bara aisisa: “Gâd âpu. Dîa daukisna ba ya mita maikabi walaia âpu sa.” Baha baman witin lukisa.

Lawana Nani 119:36

Kupi ba yas tiwbia bîlam aisinka nani ra, brinka karna lâka ra lika, apia.

Sins Lâka 12:23

Aman kaiki uplika diara kaiki ba yukuki brisa, sakuna sinskas nani kupia lika tanis lâka upla sut ra maisa pakisa.

Sins Lâka 22:15

Tanis lâka ba lika kau tuktan nani ba kupia lukanka tâka sa; sakuna kupia kraukaia klalka ba mita baha wapni daukisa.

Sins Lâka 23:6

Upla slablira ba wal plun pipara, bara witin pata auhni ba sin tumpara.

Sins Lâka 24:9

Upla taniskira lukanka ba sika, saurka lâka ba; ¡upla âpu sa taniskira wal ai kupia alki takaskaia!

Sins Lâka 27:22

Man bui upla taniskira ba, unuh bilara plawar mâ kapan tilara, unuh mita ni kapma kra, witin ai taniska ba witin wina ban taki wabia apia.

Sins Lâka 28:22

Upla lalah lalihkra ba, yuyakira takaia aihni munisa, bara naika diara luha takaia ba lika ai dahra walras sa.

Smasmalkra 7:25

Bara yang sins lâka plikri, diara tânka briaia sin, bara stadi munaia bara plikaia sins tânka kum wal prakaia. Bara daihra walri sinskas kaia ba yamni apia sa, sinskas kaia ba saura pali sa.

Aiseya 59:13

Yawan mapara babura takma, Dawan wal sin kasak apia kan. Yawan wan Gâdka ninara waia brin wan daukras kan, yawan aisin lâ nani ba krikaia, upla nani pât ra dingkaia, yawan upla nani ra kunin munaia lâka daukan.

Aiseya 59:7

ai mina nani ba saura ra plapisa, aihni taukisa tala pâtkas ba laikaia dukiara. Ai lukanka ba upla ikaia baman lukisa, bara yabal ra lui auya ba, sauhki tikaia, bara kriki tikaia lâka nani man sa.

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Matiu 20:15

¿Yang lalahki ba wal dîa want sna ba kat daukaia sip apia sna ki? ¿Apia kaka, yang kupi pain ba mita man tumisma ki?’

Matiu 6:23

sakuna namkra nani ba saura kaka, wînam aiska ba tihmu ra kabia. Bamna ingnikam ba tihmu takbia kaka, ¡baha tihmuka ba nahki prais tihmu pali kabia!

Mark 7:21

Bîla tani wina, upla kupia wina taki ba lika: lukanka saura nani, rugka lâka, diara implikaia, upla ikaia ba,

Mark 7:23

Naha diara nani sut na lika bîla tani wina aula, bara upla ra tâski daukisa.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

Kli Smalkanka 15:9

Naha lukanka saura na kupiam ra bripara: ‘Mani 7 upla traska ban swih tikaia manka ba pat baila sa,’ bara man uplikam umpira bâra sa kaka, mamwan saura dauki diara kumi sin lin munras kama kaka, witin mampara winanka daukbia, Dawan ra sin, bara baha daukanka ba man ra saurka baku mai kulkbia.

Kli Smalkanka 28:54

Ban upla kupia babaiwra ba ra, upla pain baku man nani tilamra ba, ai nakra saura ni ai muihni ra kaiki kabia, ai maya latwan kaiki ba ra, ai luhpia nani kau takaskbia ba ra sin,

Kli Smalkanka 28:56

Mairin wîna swapni, taya lalalni man nani tilamra bal ai mina baman tasba ra taibaia apia, bara ai nakra saura ni kaikbia, mayam waitna latwankira ra bara luhpiam nani ra sin.

1 Pita 2:15

Kan Gâd lika want sa, man nani diara yamni ba daukma, diara lan âpu nani bara sins âpu nani bîla prakaia dukiara.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”