bara Lot witin nani ra win: —Dawanki nani, yang bui man nani ra mamkabisni, naha tihmia man albikam watla ra bal takaskaia. Bâra minam sikbaia sip sma bara yapaia sin, bara yauhka titan yabalkam ra impakaia. Sakuna witin nani pana win: —Apia, tingki, yang nani ban latara lalawamna.
Mahka lalma kahbaia kan ba ra, Dawan Idsip war aiklaklabra nani ba kat kaikan kasbrika pauta klauhan playka ba wina. Bara witin nani ra sibrin tara dingkan, ai tilara turban lâka tara takan.
Sakuna naha na kupiam krauki bas: Utla kum dawanka ba âimplikra dîa awarka ra balaia ba kaiki kaka, witin yapras aihwaki kabia, bara swika ai watla ba kriki dimi ai dukia implikbia apia.
Yapra wala ra, Saúl ai uplika nani sut ba dakni yumhpa ra baiki sakan, bara kau lalma kahbras kan pat ai waihla nani lila kat diman kan, bara witin nani ra iki kan, yu wal lal kat. Ya nani kau raya kan ba yakabrira takan, bara witin nani tila wina upla wâl pan asla apia kata.