Mark 5:27 - DAWAN BÎLA AISKA

²⁷ Jisas dukiara sturi walan ba ra, naha mairka ninak lamara balan, upla tilak bara prâka ra kangban.

Mark 5:27 ပူးပေါင်းရင်းမြစ်များ

2 King Nani 13:21

piua kum ra waitna kumi pruan kan ba Israel luhpia nani tasba ra biki kan ba ra, baha âimplikra nani daknika kum aula kan ba kaiki, uplika pruan ba Ilaidsa raitika bilara lulki bataki si plapi banhwan. Bara waitnika pruan ba Ilaidsa dusa nani ra kangban ba ra, kli rawi ai mina ra buan.

Matiu 14:36

Witin ra makabi banhwi kan ai prâka tâ pan yarka kangbaia; bara baha kangban ba sut rawi banhwan.

Mark 5:26

Mani ailal pât wahwan daktar ailal mihta ra, bara dîa witin bri kan ba sut tikan bahki ra baman, sakuna kau mâyara iwi kan.

Mark 5:28

Kan luki kan: “Prâka ra pan kangbamna baman, yang pat rawamna.”

Mark 6:56

Bara anira witin diman kaka, tawan sirpi nani ra, tawan tara ra, twi nani ra sin, sikniskira nani ba tawan lila kat tniki kan, bara Jisas ra bik taki kan ai prâka tâ pan yaka kangbaia. Bara ai prâka kangban nani sut rawi kan.

Apastil Nani Sturka 19:12

Ban angsar nani sin, apia kra kwala wala nani sin witin ra kangban ba, kwalka nani ba siknis uplika nani ra brih wan, bara baha ni siknis uplika nani ba rakan, pirit saura nani ba sin upla nani wina taki kan.

Apastil Nani Sturka 5:15

Witin nani mita siknis uplika nani ba yabal nani ra sakan, krikri nani ra bara aitnikaia dukia nani ra sin tniki swin kan, Pita kra bâk lubia ba ra ai distika ba mita kumi ra pan madiskbia dukiara.