Mark 4:31 - DAWAN BÎLA AISKA

³¹ Baha lika mostard mâ tasba ra mangki ba baku sa. Dus mâ nani tasba ra ba wal, naha na kau mâ sirpi sa,

Mark 4:31 ပူးပေါင်းရင်းမြစ်များ

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Aiseya 60:22

Sirpi nani ba wina tausin ailal bal takbia, kau sirpi ba wina, upla daknika karna kum bal takbia. Yang sika Dawan, naha daukamna, bara pat pali ai piua kat bal baku aimakbia.”

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Sakaraya 12:8

Yang, Dawan, Jerusalem ra iwi uplika nani ba kan kahbamna. Upla kau swapni pali nani ba, Debit wal kau karna kabia, Debit kiamka nani ba Dawanka kabia, Dawan insalka baku, witin nani tâura aimaki ba.

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Mark 4:30

Jisas naku sin win: “¿Gâd king aimaki ba lâka, dîa wal baku sa lukisma, apia kaka, yawan ani maprika wal prakaia sip sa?

Mark 4:32

sakuna mangkan bara pâwuya ba ra, dus mâ nani sut purkara kau tara takisa, ai tnawa nani tara brisa, bara bahara daiwan tnawira nani ba ai watla mâkisa baha distika munhtara.”

Luk 17:6

Bara Dawan pana win: —Kasak lukan lâka ba sim mostard mâ lupia ba baku pan brisma kaka, naha kwah damni dusa tara ra sip sma wiaia: “Naha wina daiwi, kabu ra wih dimi was”, bara dusa ba baha kat daukbia.

Apastil Nani Sturka 19:20

Baku sika Dawan sturka yamni ba kau aiska pali pâwi kan, ai karnika ba tânka sin mariki kan.

Apastil Nani Sturka 2:41

Baku bamna, ai smalkanka bîla alki brin nani ba sut pali tahbi daukan; bara baha yua lika 3,000 lama upla kau lalukra nani wal asla prakan kata.

Apastil Nani Sturka 21:20

Baha nani ba naha diara nani na walan ba ra, Gâd ra mayunan. Ningkara, witin nani Pal ra win: —Muihki, man sin kaikisma nahki Ju nani tausin ailal kasak lukan sa, witin nani sut wisa, Moses lâka ba kulkaia sa.

Apastil Nani Sturka 4:4

Naha apastil wâl smalkanka ba wina upla manis pali kasak lukan; waitna nani baman kulkan ba 5,000 lamara kata.

Apastil Nani Sturka 5:14

Upla Dawan ra kasak lukan ba kau ailal takan, waitna nani bara mairin nani sin.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”