Mark 4:19 - DAWAN BÎLA AISKA

¹⁹ sakuna naha tasba dukia nani ra lukan man, tasba yuyaka bahki mita kunin sin munisa, bara diara sât sât nani ba brin dauki, nina blikisa. Naha sut ai kupia ra dimi, sturi yamni ba blaki ikisa, bara naha nani sip yan mâ briras.

Mark 4:19 ပူးပေါင်းရင်းမြစ်များ

Sins Lâka 23:4

Lalahkira takaia mata uya pali wînam ikpara; baha dukiara trabil taki lukpara.

Sins Lâka 23:5

Pain laki kaikma kaka, man kaikma yuya tara ba âpu sa, bara aihni pali auya, yakal baku ai tnawa pat takan baku.

Smasmalkra 4:8

Upla yakan ba, ai uplika âpu, ai luhpia âpu, ai muihni sin âpu ba, sip ris briras; ai dukia kukan bara lukan baman sip swapras, bara makabi sin walras: “¿Bara ya dukiara wark uya takisna? ¿Dîa kan wan wîna yamni briaia dukia apia wisna?” Kan naha na sin lukanka bahki sa bara karbanka wirha kum sa.

Aiseya 5:2

Nasla tasbaya ba baikan, walpa nani ba sin sait ra sakan bara wain saumukka yamni ba ni wahbi saki mangkan. Nasla bilara sin, tawer kum purara mâkan; bara wain taibaia watla sin kum paskan, bara wain nasla tara ba wina bîla kaiki kan wain damni nani, sakuna wain mâ swahni baman alkan kata.

Aiseya 5:4

¿Yang wainki nasla ra diara kum daukaia bâra kan? ¿Kau diara kum yang daukras swiri sa ki? Yang bîla kaiki kapri, wain mâ damni nani aikbia, ¿sakuna dîa muni, mâ swahni nani sakan ba?

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 19:23

Bara Jisas bui ai disaipilka nani ra win: —Kasak pali man nani ra mai wisna, lalahkira kum mapa ra karna sa kasbrika purara ba kingka lâka ra dimaia.

Matiu 3:10

Asa ba dus nani klaki batakaia pat ridi sa, bara ani dusa mâ pain sakras ba, klaki pauta ra lulkka ambia.

Mark 4:18

Wala nani sin kiaya nani tilara mangkan ba wal baku sa: witin nani sturi yamni ba walisa,

Luk 10:41

Sakuna Jisas pana win: —Marta, Marta, man diara uya daukaia dukiara baman lukisma, kupiam sin turban pali sa.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

Epesus 6:12

Kan yawan aiklabi ba lika upla aihwa, wîna tara bara dusa nani sin bri ba sâtka mapara apia sa, sakuna pirit saura nani ai karnika bri ba mapara; kasbrika purara bara tasba ra sin karnika bri ba, bara wihta kaia karnika alki ba, naha tasbaya tihmika ra ba mapara sin karnika alki ba.

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.

2 Pita 1:8

Man nani naha diara nani na brisma kaka, bara warkka daukisma kaka, rayakam ba bahki kabia apia, bara wan Dawan Jisas Kraist ba bahki pali kakaira takram kabia apia.

Judas 1:12

Man nani aikuki pana pana latwan lâka ra lilia dukia daukisma ba lika, swira lâka pali sa; kan baha liliaka ra witin nani pih bara dih lilia takisa, kuna kulkanka lâka lika âpu pali sa, bara sepad nani baku, witin nani lika ai wîna kat baman main kaikisa. Witin nani sin kasbrika nani lî âpu kan, pâsa mita brih auya ba baku sa; dus nani ai piua kat sin mâ sakras kan, ai plamaya wina daikan bara aima wâl pruan ba baku sa.