Mark 2:13 - DAWAN BÎLA AISKA

¹³ Jisas kli lakun un ra wan. Upla sut ai lamara balan ba ra, witin aisi smalkan.

Mark 2:13 ပူးပေါင်းရင်းမြစ်များ

Matiu 13:1

Baha sim yua Jisas utla ba wina taki, lakun un ra iwan.

Matiu 9:9

Jisas baha wina mahka wan, bara waitna kum wal prawan, ai nina Matiu. Witin ba lal mana wawahbra kan Rom ra yaia bara bahara iwi kata. Jisas mita win: —Nini blîks. Bara Matiu mahka bûi, ai nina blikan.

Mark 1:45

Sakuna waitna ba wan, upla sut ra win diara takan ba. Baha mita Jisas sip tawan ra param takras kan, bara tawan wina laihura baman tauki kan, upla âpu tasbaya ra. Sakuna upla tasba ailal wina bal kaiki kan.

Mark 10:1

Jisas Kapernaum wina taki wan, Judia tasbaya ra wan, Jordan awala lalma tani tasbaya ra. Bahara upla ailal ba kli ai lamara balan, bara Jisas ai natka kan ba baku, kli witin nani ra smalki kan.

Mark 2:2

Tisku kan, pat upla ailal asla takan, dur lama ba sin tutukwa pali kan. Jisas mita Gâd sturka yamni ba aisi smalkan.

Mark 4:1

Jisas kli lakun un ra smalkan ba ra, upla ailal bal ai lamara asla takan. Ailal pali kan bamna, Jisas lakun ra duri kum bâra kan ra aimaki iwan, bara uplika nani sut lika un ra takaskan.

Luk 19:48

Sakuna nahki ikaia yabalka ba sip witin nani sakras kan, upla sut mita Jisas ra aman pali wali kan bamna.

Luk 21:38

Bamna upla nani sut yu bani titan pali tempel ra bali kan, Jisas smalkanka walaia.