Mark 16:17 - DAWAN BÎLA AISKA

¹⁷ Bara kasak luki nani ra naha sainka nani ai yula kahbia: yang nini mâki pirit saura nani kangbi sâkbia; bîla raya nani sin aisabia;

Mark 16:17 ပူးပေါင်းရင်းမြစ်များ

Mark 9:38

Bara Jan mita win: —Smasmalkra, upla kum ninam ra pirit saura kangbi kan kaikri, sakuna witin ba yang nani wal taukras mita, witin ra wîri daukbia apia.

Luk 10:17

Baha piua ra 72 ba liliakira kli tawi balan bara naku win: —Dawan, pirit saura nani ba sin wan walan, man ninam mâki aisi banhri ba ra.

Jan 14:12

Kasak pali mai wisni, yang ra kasak luki uplika ba, diara nani daukisna ba witin mita sin daukbia, kau diara tara nani sin daukbia, kan yang Aisa bâra ba pliska ra auna.

Apastil Nani Sturka 10:46

Witin nani walan, baha nani bîla sât wala nani aisi, Gâd ra sin mayuni kan.

Apastil Nani Sturka 16:18

Yu ailal baku dauki kan. Ban piua kum kat Pal kupia sauhkan, bara tawi baha piritka saura tukta mairin ra kan ba ra win: —Jisas Kraist nina ra yang mai wisna, witin ba wina taks. Bara baha minitka ra pirit saura witin ba swin.

Apastil Nani Sturka 19:6

Pal ai mihta baha nani purara kahban ba ra, sut purara Spirit Holikira bal iwan. Bara mahka witin nani bîla sât sât aisin, Dawan sturka sin aisi kan, Gâd wina yan bamna.

Apastil Nani Sturka 2:33

Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Apastil Nani Sturka 5:16

Jerusalem tnaya ra tawan nani ba wina upla manis pali balan, sikniskira nani bara pirit saura nani bri nani ba sut brih balan; bara baha nani sut ba rakan kan.

Apastil Nani Sturka 8:7

Upla ailal pirit tâski bri kan ba rakan kan. Pirit tâski nani ba ai bîla baikra karna wini kira upla nani wina taki kan. Bara wakia lâwan nani bara skahwa nani sin rakan.

1 Korint 12:10

Tila nani sain tara nani daukaia sinska yabisa, bara wala nani ra lika, Gâd wina sturi nani brih aisaia sinska. Wala nani ra Gâd mita sins yabisa, pirit kuninkira nani ba ani sapa bara Spirit kasakkira ba sin ani sapa kaikaia; wala nani bîla sât sât aisaia sinska brisa; bara kau pali wala nani ra lika, baha bîla nani ra dîa aisin ba tânka param aisaia sinska yabisa.

1 Korint 12:28

Baku bamna, serts ra Gâd ba upla tila nani ai pliska kat mangkan sa: tâura pali, apastil nani, baha ningkara, Gâd prapitka nani; ningkara, smasmalkra nani; ningkara, sain tara nani dauki banhwi ba; ningkara, sikniskira nani raki nani ba, upla ra hilp muni banhwi ba, tâ bri uplika nani bara bîla sât sât aisaia sinska bri banhwi ba.

1 Korint 12:30

¿Sut sikniskira nani rakaia karnika brisa ki? ¿Sut bîla sât sât aisisa ki? ¿Sut sip sa ki bîla sât sât ra aisi nani ba tânka param sakaia? Apia pali.

1 Korint 13:1

Yang na upla nani aisi ba bîla ra, bara insal nani bîla sin aisaia sip kamna sakuna, latwan lâka âpu sna kaka, aisinki ba lika drum prukan kli kli ini ba baku sa, pân taya prukan bin dauki ba baku.

1 Korint 14:2

Baha uplika bîla sât aihka aisi ba, upla ra lika aisaras kuna Gâd ra mika, kan upla kumi sin witin dîa aisi ba tânka briras. Witin aisi ba Spirit tânka ra, sakuna upla kumi sin baha tânka briras.