Mark 14:61 - DAWAN BÎLA AISKA

⁶¹ Sakuna Jisas sâp kan, pana diara aisaras kan. Prîs wihtka kli witin ra naku makabi walan: —¿Man ba Misaya sma ki, Gâd yamni pali ba Luhpia?

Mark 14:61 ပူးပေါင်းရင်းမြစ်များ

Lawana Nani 119:12

¡Man sika yamni pali sma ba, Dawan! ¡Man lâmka nani ba ai smalks!

Lawana Nani 2:7

Dawan ai kupia lukra sakan ba yang aisamna: witin bui yang ra ai win: “Man lika yang luhpi waitna sma, naha yua mai sakri sa.

Lawana Nani 39:9

“Yang bîlas baku, diara aisaras kapri kan, man sut daukisma bamna.

Aiseya 53:7

Saura pali rausauhkan, sakuna witin bawan lâka ra wan, bara ai bîla sin sakras kan; bara sîp baku ikaia pliska ra brih wan bara ai bîla prakan kan, ai bîla sin kwâkras kan sim sîp kum taya irbi ba baku.

Matiu 16:16

Saiman Pita bila: —Man ba Misaya, Gâd rayakira ba Luhpia.

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Matiu 8:29

Bara ai bîla baikra tara wini banhwan: —Jisas, Gâd Luhpia, ¿dîa kan yang nani tilira dimisma ki? ¿Kau piua aimakras kan, yang nani ra rau ai sauhkaia balram ki?

Mark 14:60

Bara prîs wihtka ba, sut tila wina buan, bara Jisas ra makabi walan: —¿Man bui pana diara aisaras sma ki? ¿Naha mampara aisi dukia nani na dîa pali tânka sa ki?

Mark 15:2

Pailat witin ra makabi walan: —¿Man ba Ju nani Kingka sma ki? Bara pana win: —Âu, man aisaram ba kat.

Jan 1:34

Pat yang mita kaikri, bara baha witniska sin aimakisna: witin sika Gâd Luhpia ba.”

Jan 10:24

bara Ju nani Jisas tnaya kir kutbi win: —¿Ahkia kat man wan kupia namhpa namhpa wan muni kama ki? Man ba Kraist kaka, param wan wis.

Jan 10:36

Bamna Gâd mita bâk saki naha tasba ra ai blikan kaka, ¿nahki man nani wiaia sip sma, yang lika Gâd Luhpia sna wîri ba wal ai mapara saura aisari?

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 19:7

Sakuna Ju nani pana win: —Yang nani lâ kum brisna, baha lâka ba kat witin na pruaia sa, kan witin na Gâd Luhpia sa win.

Jan 19:9

Bamna Pailat kli lâ tara watla ra dimi, Jisas ra makabi walan: —¿Man ba ani wina sma ki? Sakuna Jisas lika pana diara kumi sin aisaras kan.

Apastil Nani Sturka 8:32

Ulbanka pîs witin aisi kaiki kan ba lika naku kata: “Witin ba sîp baku ikaia pliska ra brih wan kata; sîp luhpia bîlas baku ai tâwa âirbra ba mawanra kan, baku sin witin ai bîla kwâki diara aisaras kan.

1 Timoti 1:11

Naha smalkanka kasak na lika, Gâd yamni pali ba, swak sakan lâka pranakira ba, bara baha sika yang mihti ra mangkan ba, aisi smalkamna dukiara.

1 Timoti 6:15

Baha piua ba aimakbia ba ra, Gâd mita naha na daukbia, kan witin baman sika Gâd kumi baman ba, yamnikira bara karnikira, king nani Kingka, bara dawan nani Dawanka ba.

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.