Mark 14:36 - DAWAN BÎLA AISKA

³⁶ Bara ai pura sunra ra aisin: “Aisiki, diara sut mapara man sip sma; naha pâtka wahwaia sna ba wina swaki ai sâks; sakuna yang kupi lâka lika apia, man kupiam lâka kat.”

Mark 14:36 ပူးပေါင်းရင်းမြစ်များ

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Jirimaya 32:27

“Yang sika Dawan, diara rayaka bri ba sut Gâdka. Yang maipara sip apia sna ba kumi sin âpu sa.

Matiu 26:39

Bara Jisas kan mapara kau wiria wih, ai mawan ra tasba kat kauhi, Gâd ra ai pura suni, win: “Aisiki, sip kaka, yarka yang naha pâtka wahwamnara; sakuna yang want sna ba baku lika apia, man kupiam lâka kat lika.”

Matiu 26:42

Kli aima wala wan, bara naku ai pura sunan: “Aisiki, naha pâtka wahwaia sna na wina sip swaki ai sakras sma kaka, man kupiam lâka kat takbia.”

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Mark 10:27

Jisas witin nani ra kaiki, win: —Upla nani naha sip daukbia apia, Gâd lika sip sa, Gâd mapa ra diara sut sip sa bamna.

Mark 10:39

Witin nani bila: —Yang nani sip sna. Jisas witin nani ra win: —Kasak pali: yang dimna kapka ba wina dima, bara yang ra tahbi ai daukbia ba man nani ra sin tahbi mai daukbia;

Mark 14:37

Witin mita disaipil nani ra balan ba ra, yapi kan kaikan, bara Pita ra win: —Saiman, ¿man yapisma ki? ¿Awar kum pan sin sip aihwakras sma?

Jan 12:27

“¡Bamna nanara, yang kupi ra uya wirha ni ai taiban sa! ¿Bara yang dîa aisamna ki? Wimni: ‘Aisa, ¿naha kupi wirha taibanka wina swaki ai sâks’? ¡Sakuna naha pali dukiara sika yang balri ba!

Jan 18:11

Sakuna Jisas mita Pita ra win: —Man sordkam ba kli ai watlika ra mangks. ¿Man lukisma Aisa mita pât wahwamna wisi aikan ba, ban wahwaia apia sna?

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Jan 5:30

“Yang yakan diara sip daukras. Aisa mita aikan ba kat daukisna, bamna kasakka lâka kat lâ daukisni; yang brinki ba kat daukaia lika plikras, sakuna Aisa ai blikan ba brinka kat mika.

Galesha 4:6

Bamna, yawan nani na ai luhpia nani sapa tânka wan marikaia, Gâd ai Luhpia Spiritka ba wan kupia kat blikan; bara baha Spiritka Holikira wan kupia nani ra winisa: “¡Yang Aisiki!”

Pilipai 2:8

silp ai wîna ba kulkanka yabras, witin bawikira kan, bara ai kiama lihni kan ba mita prura kat wan, bara baha sika witin dus prihni ra pruan ba.

2 Timoti 2:13

Yawan na kasak apia sa kaka, witin lika ban kasak sa, kan Gâd ai tânka ra sip apia wiras.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.