Mark 12:37 - DAWAN BÎLA AISKA

³⁷ ¿Bamna nahki Misaya ba Debit kiamka kabia, kan Debit pali bui witin ra Dawan wisa kaka? Upla nani, ailal kan ba, ai kupia liliakira ni Jisas ra wali kan.

Mark 12:37 ပူးပေါင်းရင်းမြစ်များ

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 21:45

Prîs wihtka nani bara parisi nani sin Jisas maprika lilka nani aisi ba walan ba ra, ai dara walan baha ba witin nani dukiara aisi kan.

Matiu 21:46

Bamna witin nani bui Jisas ra alkaia lukan, sakuna upla nani ra sibri kan, kan upla nani kasak kulkan Jisas ba Gâd prapitka kan.

Luk 19:48

Sakuna nahki ikaia yabalka ba sip witin nani sakras kan, upla sut mita Jisas ra aman pali wali kan bamna.

Luk 21:38

Bamna upla nani sut yu bani titan pali tempel ra bali kan, Jisas smalkanka walaia.

Jan 12:9

Ju ailal kaiki banhwan Jisas ba Betania ra kan, bamna baha nani bahara wan Jisas kaikaia man apia, kuna Lasarus ba sin kaikaia, Jisas mita pruan wina bukan ba.

Roman 9:5

Ju nani sut ba lika pas wan damika nani kata ba kiamka nani sa; bara ai kiamka bâk, wan wîna lâka ba kat Kraist balan, witinka diara sut Gâdka ba, bamna mayunan kabia ban kaia ra. Baku kabia.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”