Mark 11:33 - DAWAN BÎLA AISKA

³³ Baku bamna, Jisas ra naku win: —¡Yang nani kaikras! Bara Jisas witin nani ra win: —Bamna yang sin dîa karnika ni naha dukia nani daukisna ba mai wimna apia.

Mark 11:33 ပူးပေါင်းရင်းမြစ်များ

Job 5:13

Kuninkira ba ai kuninka lâka ba ni prak alkisa, bara dîa dîa daukaia luki ba sut krikisa.

Aiseya 1:3

Wark bîpka wainhka ba ai dawanka kaikisa, biriku sin ai dawanka daiwan watla ba; sakuna Israel yang upliki nani ai dara walaia tânka âpu sa.”

Aiseya 56:10

Upliki nani aihwaki kaiki nani ba sut, blain man sa, witin nani sut diara tânka briras sa. Witin nani sut ba, yul bîlas wakras nani baku sa, ai rayaka aiska ba bawi bara yaprisauhkan kaiki luisa; yapan ra latwan kaikisa.

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Matiu 16:4

Naha uplika watawikira nani kasakka lâka briras ba, sain aihka kum makabisa; sakuna witin nani ra sain kumi sin marikbia apia, sakuna Jona sainka ba baman lika.” Bara Jisas baha nani swi si, mahka wan.

Matiu 21:27

Baku bamna, witin nani bui Jisas ra win: —Yang nani kaikras. Bara Jisas bila: —Baku ba ra yang sin man nani ra mai wimna apia dîa karnika ni naha dukia nani daukisna ba.

Mark 11:32

¿Apia kaka, yawan upla nani mita blikan wibia?” Witin nani lika upla nani ra sibri luki kan, upla sut Jan ba Gâd prapitka kasak kulki kan bamna.

Mark 12:1

Bamna Jisas witin nani ra maprika bîla nani ni mahka smalkan, bara naku aisin: “Waitna kum kan, witin ai nasla ra wain dusa mangkan; bara kir klar kutban, wain laya taibi sakaia pliska kum daukan bara tawer kum bukan, diara sut ba pain aihwakbia wisi. Ningkara, nasla ba wark tatakra nani mihta ra mangki si, witin kuntri wala ra impakan.

Jan 3:10

Jisas pana win: —Man ba sika, Israel smasmalkra tara kum sma, ¿bara naha diara nani na tânka sip briras sma ki?

Jan 9:27

Waitnika mita pana win: —Pat man nani ra mai wîri, sakuna man nani bîli ba kulkras sma. ¿Dîa muni kli aisarika walaia want banhwisma? ¿Dîa man nani sin witin ba nina blikan mai daukisa ki?

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

2 Korint 3:15

Bamna naiwa kat, witin nani ba Moses lâka wauhkataya aisi kaikuya ba ra, kwala kum mita witin nani diara tânka briaia ba pura bikisa.