Mark 11:17 - DAWAN BÎLA AISKA

¹⁷ Bara witin nani ra smalki win: —Ulbanka nani ra naku wisa: ‘Yang waitla ba tasba aiska ra upla nani ai pura sunaia watla mâkan kabia’, sakuna man nani lika âimplikra watla daukram sa.

Mark 11:17 ပူးပေါင်းရင်းမြစ်များ

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Aiseya 60:7

Quedar ra daiwan daknika nani ba sut man daiwram daknika nani kabia; Nebaiot sîpka nani ba sin man sîpkam kabia; baha nani ba Dawan altarka ra, witin yamni kaiki prisantka nani dauki yabaia, bara witin ai tempelka prana ba kau pranakira daukbia.

Jirimaya 7:11

¿Dîa man nani kupiam ra lukisma, naha watla yang ra baman mayunaia watla aikan na âimplikra nani watla kum sa? Yang, Dawan, kasak aisisna.

Oseas 12:7

Dawan ba aisisa: “Kenan ai mihta ra implikaia paunka ba brisa, kan witin lika upla ra implikaia lihki bamna.

Mark 11:16

bara upla kumi ra sin adar yaras tempel bâk diara twilki waia.

Luk 19:46

naku win: —Ulbanka ra naku win sa: ‘Yang waitla ba pura sunaia watla sa’; sakuna man nani mita âimplikra nani watla daukram.

Jan 2:14

Tempel watla bilara kaikan upla nani ba bîp nani, sîp nani bara butku nani sin atki kan. Lalah sins mamunra nani ba sin, ai iwaika ra iwi, upla nani lalahka sins muni kan.

Jan 2:16

Butku âiatkra nani ra win: —¡Baha nani ba sâks naha wina! ¡Yang Aisiki watla na, sim atkaia watla baku daukpara!