Mark 11:1 - DAWAN BÎLA AISKA

¹ Bara witin nani Jerusalem lamara wan ba ra, Betfagé bara Betania tawanka lamara, Olivet ilka lamara, Jisas mita ai disaipilka wâl blikan,

Mark 11:1 ပူးပေါင်းရင်းမြစ်များ

2 Samuil 15:30

Debit lika Olivet ilka albangkika bâk ai mina baman ini uli wan, sari tukinka ai lal purara praki. Upla nani sut witin wal auya kan ba sin, ai lal pura praki ini uli wan.

Sakaraya 14:4

Baha yua ra Jerusalem lamara lalma tani ra, Oliv Dusa nani bâra ba ilka ra Dawan bubia. Bara ilka ba baiki langnika tara kum lalma wina muna kat daukbia. Ilka tnaya kum yahbra tani ra lakbia, tnaya wala ba waupasa tani ra.

Matiu 21:17

Bara Jisas baha nani swi si, tawan ba wina taki, Betania ra wih, baha ra tihmia luan.

Matiu 24:3

Ningkara witin nani Olivet ilka ra wan; bara Jisas bahara iwi kan ba ra, ai disaipilka nani bal, pusbi win: —Naha na ahkia kabia sapa yang nani ra ai wis. ¿Man balaia sma ba bara tasba tnata sainka ba sin ani kabia ki?

Matiu 26:30

Witin nani lawana nani aiwanan ningkara, Olivet ilka ra wan.

Mark 11:2

witin nani ra naku wisi: —Tawan mamwan kat ba ra was, bara wama piua ra biriku kum wilkan kaikma, kau upla ulras sa. Man nani lanhki bri bal.

Mark 13:3

Ningkara witin nani Olivet ilka ra wan, tempel mawan tani ra. Jisas bahara iwi kan ba ra, Pita, Jems, Jan, Andru kat tnaya ra tawi makabi walan:

Mark 14:13

Jisas ai disaipilka wâl saki blikan wan, bara witin baha nani ra win: —Man nani tawan ra was, bara waitna kum kaikma witin lî watla kum brih auya. Baha nina blîks,

Mark 6:7

Bara disaipil nani 12 ba wini, baha nani ba wâl wâl ra blikan, bara pirit saura nani kangbi sakaia karnika sin yan.

Jan 8:1

Sakuna Jisas lika Oliv Ilka ra wan.

Apastil Nani Sturka 1:12

Bara apastil nani sut Olivet ilka ba wina kli Jerusalem ra tawi balan. Baha ilka ba Jerusalem wal baila pali kata, baha prais sika ris yua ra wapaia aitani kulkan ba.