Mark 10:22 - DAWAN BÎLA AISKA

²² Sakuna waitna ba naha walan ba ra, sari takan, bara ai kupia sarikira mahka wan, witin yuyakira pali kan bamna.

Mark 10:22 ပူးပေါင်းရင်းမြစ်များ

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 19:22

Sakuna wahma ba naha walan, sari pali taki mahka wan, witin lalahkira kata bamna.

Matiu 27:3

Bara Judas, witinka mita waihla mihta ra mangkan kan ba, waihla nani Jisas pât ra dingkan kan kaiki, ai kupia ra sari lukan, bara silbar mâ 30 ba prîs wihta nani ra bara wihta almuk nani ra kli bri si yabi,

Mark 10:21

Bara Jisas witin ra latwan kaiki, win: —Kau diara kumi man âpu sma: was, bara diara brisma ba sut atki lalahka takbia ba umpira nani ra yas, bâra mika kasbrika purara ba wina mamna brima; ningkara bal, nini blîks.

Mark 10:23

Bara Jisas kir tawi kaiki, ai disaipilka nani ra win: —¡Yuyakira nani lika Gâd king aimaki ba lâka prana ra dimaia karna pali sa!

Mark 6:20

Herod pain kaikan Jan ba waitna kasakkira bara holikira kan, baha mita witin ra sibrin luki kan; bamna Herod mita yan saura munras. Jan smalkanka ba wali, sakuna Herod dîa daukaia sapa tânka briras kan, ban sakuna pain pali wali kata.

Mark 6:26

Bara king ba kasak sari takan, sakuna witin pramis daukan bamna, upla wala nani sin baha win ba walan kan ba ra, sip dukia makabi ba apia wiras kan.

Luk 12:15

Jisas naha sin wisata: —Upla diara bri ba tumisma ba aman kaiki damra wali bas man nani, kan upla rayaka ba lika diara ailal bri ba mita raya apia.

Luk 18:23

Sakuna waitna ba naha walan ba ra, sari pali takan, kan witin ba yuyakira kata.

2 Korint 7:10

Bahamna sarka lâka kum Gâd mita pain kaiki ba tânka kat sa kaka, baha lika kupia lakan ba tânka kum swaki sakan lâka wina aula ba; bara baha mita sari kaia apia sa. Sakuna sarka lâka kum naha tasba wina sa kaka, baha lika prura paskisa.

Epesus 5:5

Man nani pat kaikisma, sunu uplika marit takras kira ban ai maya brisa, diara tâski pali daukisa, gridikira pali sa kaka (baha lika aidul ra mayunaia tânka wal baku sa), baha ba sip sa Kraist bara Gâd wal king aimaki ba tasbaya ra dimaia.

2 Timoti 4:10

kan Dimas ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba Dalmacia ra.