Mark 10:14 - DAWAN BÎLA AISKA

¹⁴ Jisas baha kaiki baha nani ra lawi daukan, bara naku win: —Swis tuktan nani ba yang ra balbia, witin nani takaskpara, kan Gâd kingka lâka ba witin nani sâtka uplika nani dukia sa.

Mark 10:14 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Lawana Nani 78:4

baha ba wan luhpia nani ra yukukamna apia. Wan luhpia nani wan kanra aula ba wal, Dawan ra yang nani mayunamna, ai karnika bri ba, diara aihkakira dauki ba aisamna.

Aiseya 65:23

Witin nani bahki ra wark takan kabia apia, ai luhpia nani sin piua kau aimakras prubia apia, kan witin nani ba, Dawan wina ai yamnika yan kiamka nani bamna, bara witin nani ai kiamka ba sut baku kabia.

Kulki Kaikanka 14:31

Sakuna man nani luhpiam nani ba, baha nani waihla ba mihta ra kauhbia aisi banhwatma ba, yang bui witin nani ba yarka baha tasbaya ra dimbia. Bara witin nani baha tasbaya ra liliaka ba bribia, man nani mita kulkras sma ba.

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 18:4

Baku bamna, Gâd king aimaki lâka ra kau tara ba, bawikira lâka bri kabia ba sin naha tuktika lupia na wal baku.

Matiu 19:14

Sakuna Jisas bila: —Man nani swis tuktan nani ba yang ra balbia, witin nani ba takaskpara; kan Gâd king aimaki lâka ba witin nani baku ba uplika nani dukia sa.

Matiu 5:10

“Lilia pali sa baha nani pât wahwi ba Gâd mita dîa daukaia win ba dauki ba, kan king lâka kasbrika purara ba wina witin nani ai dukia bribia bamna.

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Mark 3:5

Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win: —Mihtam ba sakbram. Bara sakban, ai mihta ba pain takan.

Mark 8:33

Sakuna Jisas kir tawi ai disaipilka nani ra kaiki, bara Pita ra lawi dauki, aisin: —¡Yang wina taki was, Sitan! Kan lukankam ba Gâd lukanka baku apia sa, sakuna upla lukanka ba brisma.

Jan 3:3

Jisas pana win: —Kasak pali mai wisna, ya kli aisubi takras sa kaka, witin sip Gâd king aimaki ba lâka kaikbia apia.

Jan 3:5

Jisas mita pana win: —Kasak pali mai wisna, ani uplika lî ni bara Spirit wina aisubi takras kaka, witin sip Gâd kingka tasbaya ra dimbia apia.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Apastil Nani Sturka 3:25

Gâd ai pramiska nani ai prapitka nani bâk aisin ba man nani dukiam sika aisin; Gâd wan damika wal lâ daukan lâka prapatika ba man nani sin dawanka sma. Gâd bui Ebraham ra win: ‘Tasba ra nisan nani sut ba man kiamkam nani bâk yamni munan kabia.’

Roman 11:16

Plawar akban wina pas brit ba, Gâd dukia holikira kulkan sa kaka, plawarka akban pîska aiska ba holikira sa. Bara dus wakia kumi Gâd dukia holikira kulkisa kaka, tnawa nani ba sut holikira kulkan sa.

Roman 11:28

Swaki sakan lâka tânka smalkanka ba mita lika, Ju nani ba Gâd wal ai waihla baku kulkan sa, man nani Ju apia nani ra sans maikaia; sakuna Gâd mita kau ban Ju nani ra latwan kaikisa, kan ai damika nani ba wina witin bâk saki brin.

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

1 Korint 7:14

Kan kasak lukras waitna ba, ai maya mairin lalukra ba wal asla takan ba mita, holikira kulkan sa; bara kasak lukras mairka ba, ai maya waitna kristian ba wal asla takan ba mita, holikira kulkan sa. Naku apia kaka, man nani luhpiam nani ba idan nani luhpia banhwi ba baku kaia kan; sakuna naha mita, witin nani ba holikira nani kulkan sa.

Epesus 4:26

Ban kra kupiam baiwbia kaka, kuna saura lika daukpara; bara kupiam baiwanka ra yu dimpara.

Kli Smalkanka 4:37

Witin bui man nani damikam nani ra latwan kaiki witin nani kiamka ra bâk sakan bara Idsip wina ai karnika tara ni pri sakan.

2 Timoti 1:5

Bamna kasak lukankam lâka kunin âpu brisma ba, yang kupi krawisa. Kukikam Loida bara yaptikam Eunice pas baha kasak lukan lâka ba brin, bara yang pain pali kaikisna man sin baha ba brisma.

2 Timoti 3:15

kan tuktan lupia piua wina man ba Ulbanka holikira nani kakaira sma, bara baha nani mita sins maikaia sip sa, bara Kraist Jisas ra kasak lukan lâka bri mita, baha nani sin swaki mai sakaia sip sa.

Jasua 8:35

Moses lâka bîla nani win ba sut pali aisi kaikan, kumi sin aisi kaikras swiras kan, Israel luhpia nani sut, mairin nani, tuktan nani, tringsar nani witin nani ai tilara iwi kan ba, sut pali wali kan witin aisi kaiki kan ba.

1 Pita 2:2

Tukta swap lupia bisiura aisubi takan baku, plun mai dauki ba, spirit tialka laya pali ba pliks, bara baha bâk di pâwma, bara swak takan lâka ba brima.

Param Marikanka 14:5

Ai bîla nani ra kunin kumi sin sakras kan; witin nani na pât âpu sa, Gâd king iwaika mawanra.

1 Samuil 1:11

bara Dawan ra witin pramis daukan: “Dawan karnika sut pali brisma ba, albikam mairin kupia kriwan na maisa nihkaia yamni lukisma kaka, yang ra luks bara luhpa waitna kum aik, bara ai rayaka yua nani sut ra witin ba man warkkam ra maikamna, bara tukinka ba lika ai tâwa ba klakan kabia apia.”

1 Samuil 1:22

sakuna Ana lika waras kata, kan witin ai maya ra win: —Yang sip wamna apia, tukta na tiala dakbamna kat. Ba piua aimakbia kat brih wamna, bara Dawan ra yabamna ai yua nani sut ra ban bâra kaia.