Mark 10:11 - DAWAN BÎLA AISKA

¹¹ Jisas bila: —Ani waitnika ai maya mairin ra mahka swibia kaka mairin wala wal marit takaia dukiara, ai maya pas ba mapara marit lâka sauhkisa.

Mark 10:11 ပူးပေါင်းရင်းမြစ်များ

Matiu 19:9

Yang bui man nani ra mai wisna, ya ya ai maya mairin ra swiaia ba, mairka ba rug lâka daukras kan kaka, bara waitna ba mairin wala wal marit takbia kaka, witin marit lâka sauhkisa.

Mark 10:10

Witin nani utla bilara kan ba ra, disaipil nani kli baha dukiara makabi walan.

Luk 16:18

“Ya ai maya mairin ra mahka swisa ba, mairin wala wal marit takbia kaka, witin lika marit lâka sauhkisa; bara ya sin maya waitna mita swisa mairka kum wal marit takbia kaka, witin sin marit lâka sauhkisa.

Roman 7:3

Bara baha mairka ai maya raya ba piua ra waitna wala wal bribia kaka, witin lika marit lâka sauhkisa; kuna maya waitna ba prubia kaka lika, witin baha lâka ba wina pri sa bara sip sa waitna wala wal marit takaia, bara witin lika marit lâka sauhkras kabia.

1 Korint 7:4

Maya mairin ba ai wîna tara dawanka apia, sakuna baha ba ai maya waitna dukia sa. Bara baku sin, maya waitna ba ai wîna dawanka takras, sakuna baha ba ai maya mairin dukia sa.

Kli Smalkanka 24:2

Witin utla wina taki wan ba ra, sip sa wala wal ai maya takaia;

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.