Mark 10:1 - DAWAN BÎLA AISKA

¹ Jisas Kapernaum wina taki wan, Judia tasbaya ra wan, Jordan awala lalma tani tasbaya ra. Bahara upla ailal ba kli ai lamara balan, bara Jisas ai natka kan ba baku, kli witin nani ra smalki kan.

Mark 10:1 ပူးပေါင်းရင်းမြစ်များ

Smasmalkra 12:9

Smasmalkra ba kau sinskira takan bara kau diara tânka kaikaia lâka upla ra smalki kan, baku sin wark tara brin, sins lâka stadi munaia, bara mahka ai tânka kat wapnika mangkan.

Jirimaya 32:33

Witin nani ai nina yang ra tawan, ai mawan lika apia. Yang yu bani smalki takaskras pali katna sakuna, witin nani lika yang ra walras, saura dauki ba sin wapni takaia lukras kan.

Matiu 26:55

Bara Jisas bui uplika nani ra win: —¿Yang na âimplikra kapri kan baku, man nani sord bara dus nani brih bal takram ki? Yu bani man nani tilamra tempel ra iwi smalki kapri, bara ai alki ai priskras katma.

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Mark 1:21

Bara witin nani Kapernaum ra diman. Ris yua ra, Jisas prias watla ra dimi, upla ra mahka smalkan.

Mark 10:2

Bara parisi tila nani Jisas lamara balan, trabil ra dingkaia wisi. Witin nani makabi walan, lâ sapa waitna kumi ai maya mairin ra swiaia ba.

Mark 12:35

Jisas tempel ra smalki kan bara makabi walan: —¿Dîa kan Lâ Smasmalkra nani wisa Misaya ba Debit luhpia sa?

Mark 14:49

Yu bani man nani tilamra kapri, tempel ra aisi smalki, bara man nani ai alkras kapram. Sakuna baha ba ban baku takaia kan, Ulbanka ba kat aimakbia dukiara.

Mark 2:13

Jisas kli lakun un ra wan. Upla sut ai lamara balan ba ra, witin aisi smalkan.

Mark 4:2

Bara diara ailal maprika tânka ni smalkan. Ai smalkanka ra naku aisi kan:

Mark 6:2

Ris yua balan ba ra, prias watla ra dimi, mahka smalkan. Upla ailal baha wali, tâ iwi, naku aisan: —¿Naha waitnika anira naha diara nani sut lan takan sa ki? ¿Sinska lâka tara pali bri na, sain tara sin dauki na, ya wina yan ni?

Mark 6:34

Jisas duri tara wina takan piua ra, upla kwâra tara kaikan, bara sari pali lukan witin nani sîp ai sepad âpu baku kan bamna; bara mahka diara ailal smalkan.

Mark 6:6

Witin sin tâ iwan, witin nani kasak lukras kan bamna. Ningkara, Jisas tawan sirpi nani ra wih smalki tauki kan.

Jan 10:40

Bamna Jisas ba Jordan awala lalma tani ra bal, bahara takaskan; baha pliska ra sika pas piua, Jan Tatahbra mita upla tahbi dauki kan ba.

Jan 11:7

Baha ningkara Jisas ai disaipilka nani ra win: —Kaisa yawan kli Judia ra waia.

Jan 18:20

Jisas mita pana win: —Yang lika upla sut mawanra param pali aisari; piua bani Ju nani priaska watla nani ra, bara tempel ra sin smalki katna, Ju nani sut bahara asla taki kan ba ra; yang diara kumi sin yukuki smalkras katna.