Malaquía 4:3 - DAWAN BÎLA AISKA

³ Baha piua ra yang ridi daukisna ba ra, man nani mita watawikira nani ba, tasba yuya baku minam ra taima.

Malaquía 4:3 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

2 Samuil 22:39

¡Sut âpu tikri! ¡Sut yuya baman daukri! Witin nani kli buras; ¡sut mini mununhtara kauhan!

2 Samuil 22:43

¡Tasba yamhpuska âpu dauki ba baku, âpu daukri! ¡Mini ra taibri, yabal ra slaubla ra wan mina taibi baku!

Job 40:12

Âu, namkra ni slingbi bataks, saurakira nani ba, ani anira kaikma ba ra âpu taibi dauks.

Lawana Nani 49:14

Witin nani sîp daknika baku, pruan nani tasbaya mihta ra mangkan sa, raiti kat brih auya, sîp nani kan baku. Yapi lalawbia ningkara, upla yamni nani ba, witin nani pura lui bubia bara ai karnika ba lika âpu takbia bara raiti ba, witin nani iwaia watla takbia.

Lawana Nani 91:13

Limi nani bara layan nani purara sin man wapi kama; daiwan saura tara nani, bara piuta nani tilara sin wapi tauki kama, minam mununhtara man taibi bri kama.

Aiseya 25:10

Dawan mita Saion ilka ba kaina kahbi kabia, sakuna Moab lika ai mina ra taiban kabia, dipasta lulkan wan mina ra taiban ba baku.

Aiseya 26:6

bara baku yaka bawikira nani ra umpira nani ba mita ai mina ra baha nani ba ai mina nani ra taibaia.”

Inanka Nani 1:15

Waitna karnakira nani tâiwan aiklabaia bri kapri ba sut, Dawan mita munan, yang wina laihura plapi banhwan. Witin aiklaklabra daknika kum asla dauki, yang maipara aiklabaia blikan, upliki karnakira nani brisna ba sut âpu daukaia mata. ¡Dawan bui Juda sunukira kan taibi tanhta daukan, wain mâ nani ra taibi âpu laya saki baku!

Isikiel 28:18

Saurka ailal pali daukram, bara aisawram pali sma atkaia dukia nani brisma ba wal; tempelkam nani sin tâski daukram. Bara yabri tilam kat urhwan pauta klauhan kum bâra âpu mai daukbia dukiara. Upla sut mai kaikbia nanara naha tasba ra, yamhpus baman takram ba.

Daniel 7:18

Sakuna baha ningkara, king lâka Gâd Laih Purara iwi ba uplika nani mihta ra mangkan kabia, bara ai dukia kabia ban kaia ra.’

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Miqueas 7:10

Yang waihli baha ba kaikbia bara ai swira lukbia; witin bui yang ra ai wi kata ba: “¿Dawan Gâdkam ba anira sa?” Sakuna yang naikra ni witin nani ba kaikamna, nahki yabal ra, slaubla wan mina ni taibi ba baku taiban kabia ba ra.

Sakaraya 10:5

Suldiar baku kabia, kan war aiklabi taim slaubla ai mina ra taibi ba baku witin nani ai waihla nani ra taibia; aiklabi banhwi kabia, kan Dawan ba witin nani wal sa bamna. Bara aras ra uli aiklabi nani ba swira daukbia.

Malaquía 3:17

Karnika sut bri Dawanka ba aisisa: “Piua kum mangkaia yang ridi takisna, baha yua ra upliki nani ba kli yang upliki nani takbia. Luhpia ai aisa warkka dauki ba ra, aisika kaiki kupia swapni taki ba baku, yang sin witin nani ai dukiara baku kupi swapni takbia.

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 14:20

Wain mâ nani ba tawan lata tani ra taibi sakan kan, bara wain laikaika untika ba wina tala taki, aras nani un mangkan ba kat uli kan, mail handat wâl prais.