Malaquía 3:5 - DAWAN BÎLA AISKA

⁵ Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Malaquía 3:5 ပူးပေါင်းရင်းမြစ်များ

Blasi Sturka 20:11

Bara Ebraham pana witin ra win: —Yang lukri naha tasbaya ra Gâd ra kulkaia lâka ba âpu sa; bahamna yang mayi ba tâwan, yang ra ai ikbia luki, baha mita baku wîri.

Blasi Sturka 42:18

Sakuna yu yumhpa ba luan ningkara, Josep witin nani ra win: —Yang lika Gâd ra sibrin lukisni. Bamna man nani naha dauks bara pâtkam nani ba ban swih tikan kabia, bara baku raya banhwi kama.

Nihimaya 5:15

Sakuna wihta wala nani yang kainira aimaki kan ba tawan purara wirhika kum; kan yu bani witin nani silbar mâ 40 upla nani wina dakbi kan, baha ba plun piaia bara wain diaia mana saki kan. Baha purkara witin nani wal wark taki nani kan ba mita tawan ra taibi muni kan. Sakuna yang lika baku daukras, Gâd ra sibrin lukisna bamna.

Job 31:12

Sauhki tatikra pâta klauhanka kum baku kabia, dîa brisna ba sut sauhki tikan kabia.

Job 7:2

Alba kumi dista ra dimaia dukiara ai bahkia puhbi ba baku sa, wark uplika kum ai mana briaia ba bîla kaiki ba baku sa.

Lawana Nani 36:1

Watawi lâka ba mita watawikira kupia lukanka pali kat dimi aisisa, witin ai lukanka ra, Dawan ra sibrin lukaia tânka âpu pali sa.

Lawana Nani 81:8

Upliki nani kupia kraukanka maikisna na wals; ¡Israel ban bîli wali daukma kaka!

Lawana Nani 96:13

Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!

Lawana Nani 98:9

Dawan mawanra, witin tasba na wihtka aimakaia aula. Tasba aiska na wihtka aimakbia kasakka lâka bara sibrin luha ba wal.

Impakan Sturka 1:17

Sakuna grandi mairin nani ba Gâd ra sibrin luki uplika nani kata, bamna dîa king bui witin nani ra win ba kat daukras, tuktan waitna nani ba sin ban swin raya kan.

Impakan Sturka 18:21

Man daukaia sma ba, upla nani tila wina pliki sâks waitna sip nani ba, Gâd sibrinka bri, kunin lâka wal iwras nani ba, ai mana saki briaia natka ra saura dauki pura praki hilp briaia lihkras uplika ba. Bara witin nani kum ra yas upla 1,000 lâka dauki kaia, wala ra upla 100 lâka dauki kaia, wala ra upla 50 lâka dauki kaia, bara wala kum ra upla matawalsip lâka dauki kaia.

Impakan Sturka 20:7

“Dawan Gâdkam nina ba, diara bahki lâka daukaia dukiara brih mâkpara. Kan witin ai nina diara bahki daukaia dukiara brih mâki nani ba, klala yabras ban pâtka swih tikbia apia sa bamna.

Impakan Sturka 22:20

“Dawan ra baman sakripais dauki yaia kata ba watlika ra, upla kum mita gâd wala nani ra sakripais dauki yabia kaka, witin ba lâka dauki ikan kaia sa.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 8:13

Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Aiseya 57:3

Man nani nâra bal, sukia mairin nani, marit lâka sasauhkra rug mairin kiamka:

Jirimaya 23:10

Kuntrika na ra maya lâka sasauhkra waitnika nani banhwan, diara saura daukaia plapi tauki uplika nani, karnika yan ba ni saura ba daukisa. Baha tâwan Dawan mita tasbaya ba lahtubisa, bara tasba ba lâwan, twi nani sin upla iwras tasbaya ra kan ba aman.

Jirimaya 27:10

Baha witin nani aisi ba kunin, baha wina diara kumi baman man nani saki brima ba lika, tasbayam wina tasba wala ra mai blîkbia, yang bui man nani mai yakabamna bara prui banhma.

Jirimaya 27:9

“Bahamna, man nani baha prapitka aisi ba ra walpara, diara kaikisa wi ba bara yapi kaiki aisi ba, sukia nani ra sin walpara naika diara takaisa wisi aisi ba, bara upla nani ra smalki ba Babilon kingka munhtara bawaia apia.

Jirimaya 29:23

Witin nani ra baku takbia, kan Israel wina tâski daukaia dukia nani daukan bamna: ai uplika maya nani lâka krikan, yang nini bri kunin manis aisin, baku aisaia wiras katna ba. Yang baha kaikisna, yang ra param sa. Yang, Dawan, kasak aisisna.’ ”

Jirimaya 42:5

Bara witin nani kli Jirimaya ra win: —Dawan Gâdkam ba yang nani maipara witnis kasak wapni kabia, yang nani ra ai wibia witin dîa man ra mai wibia ba yang nani daukras kamna kaka.

Jirimaya 5:2

Upla ailal bâra sa Dawan nina ra aisi swer takisa, sakuna witin nani kunin man aisisa.”

Jirimaya 5:29

¿Baha daukanka nani ba tâwan klala yabaia apia katna ki? ¿Baha uplika nani baku daukan mana ba kli yabaia apia sna ki? Yang, Dawan, kasak aisisna.

Libait Lâka 19:13

“Uplikam mapara saura munaia lukpara, diara bri ba dukiam wisi mihta dakpara. “Warkkam takan ba mana yauhka kat aibappara.

Libait Lâka 20:10

“Israel uplika kum ai uplika maya wal yapbia kaka, wâlsut ba ikan kabia.

Libait Lâka 20:27

“Waitna kum, apia kaka mairin kum yapi kaikaia piritka wal aisisa kaka, yu wala dîa takaia ba aisisa kaka, baha nani ba walpa ni sabi ikaia sa bara ai pâtka ba twilkbia.”

Libait Lâka 20:6

Upla kum pirit saura wal aisi yapi kaiki uplika nina bliki saura taki ba, yang baha uplika ba mapara kamna, bamna tawan wina bara ai uplika nani tila wina sakamna.

Miqueas 1:2

Upla nani sut, naha bîla na man nani aman pali wals: Dawan ai tempelka watla sunukira ba wina, man nani mampara witnis aisabia.

Abakuk 1:12

Dawan, man ba tâ pali wina Dawanki ban sma. ¿Man ba yang nani Gâdki sunukira ban kaia ra raya sma apia? Yang nani kaini kakahbra Dawanka, man mita Caldea uplika nani ra karnika ba yaram kasakkam lâka tânka ba kat daukaia.

Sakaraya 11:12

Bamna yang bui witin nani ra wîri: “Man nani yamni lukisma kaka, maina aibaps; apia kaka ban swis.” Bara witin nani silbar mâ 30 ai aibapan.

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Malaquía 2:14

¿Man nani tânkam brisma, sakuna ban makabi walisma? Kan Dawan kaikisa man kau wahma katma ba ra, baha mairka wal lâ dauki mayam briram bara kunin munram, ¡witin sika man mayam pali kata, man bui witin wal kli swiaia apia wiram ba!

Malaquía 2:17

Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa. ¡Gâd ba kasakkira sapa man nani tânka briras!

Luk 23:40

Sakuna wala ba mita ai pânika ba ra lawi dauki, win: —¿Man lika Gâd ra sibrin lukras sma ki, man sim pâtka mununhtara sma ba?

Roman 3:8

Bamna baku kaka, ¿dîa muni wiras, saura ba daukbia, diara yamni ba balbia dukiara? Upla kum kum lukan saura brih aisisa, baku pali yang nani mita smalkisna; sakuna baha sât uplika nani ba pât ra dingkan kaia aitani sa.

Kli Smalkanka 15:13

Bara mahka blîkma taim, mihta bîla baman lika blîkpara,

Kli Smalkanka 18:10

Man nani wina kumi sin luhpiam pauta ra bri si sakripais dauki yapara, dahra pliki saki warkka sin daukpara, kainara dîa takaia ba aisi wipara, sukia warkka sin daukpara,

Kli Smalkanka 24:17

“Tringsar nani bara rau nani lâka ba warha daukpara, piarka nani kwalka sin dakbi bripara.

Kli Smalkanka 27:19

‘Tringsar nani mapara, piarka nani ra, rau nani ra lâka watawi daukbia kaka, lahtuban kabia.’ Bara upla sut wibia: ‘Baku kabia.’

Kli Smalkanka 5:11

‘Dawan Gâdkam nina ba diara bahki lâka daukaia dukiara brih mâkpara, kan witin ai nina diara bahki daukaia dukiara brih mâki nani ba, klala yabras ban pâtkas swibia apia sa bamna.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

Jems 5:12

Sakuna, muihki nani, diara sut purkara swer takpara pali, kasbrika purara ba nina mâki, tasba nina mâki kra, swer sâtka wala sin daukpara. Man nani “âu” wima ba, yarka “âu” kabia, bara “apia” wima kaka, yarka “apia” kabia; baku mika Gâd lika pât ra mai dingkbia apia.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.