Malaquía 3:4 - DAWAN BÎLA AISKA

⁴ Bâra mika Dawan, Juda bara Jerusalem wal ai prisantka brih aula ba briaia lilia takbia, blasi piua lilia kata baku.

Malaquía 3:4 ပူးပေါင်းရင်းမြစ်များ

1 Kronikas 15:26

Dawan bui Libait nani ra tâ baiki kan, Gâd lâka auhbaia watla ba twilki brih waia, kîa yamni angki yan, bîp wainhka nani sakan ba, 7 pura kumi bara sîp wainhka 7.

1 Kronikas 21:26

bara baha pliska ra Dawan altarka kum paskan, bara sakripais angki daukan, kli wal uplika takaia sakripaiska sin daukan. Ningkara Dawan ra mayunan, bara Dawan pana aisin, pura wina pauta klauhan blikan sakripais angkaia pliska ba kat.

2 Kronikas 1:6

Baha bras altarka Dawan mawanra ba ra Salaman uli wan, upla nani Dawan wal aisaia tintka watla ba mawanra, baha altarka ba purara daiwan aiska angki 1,000 sakripais daukan.

Lawana Nani 51:17

Wan spiritka kriwan ba sika, Gâd ra prisant yaia; Gâd, man upla ba ai kupia wirha bawikira mai pliki ba, man sip lulki swima apia.

Lawana Nani 51:19

Bâra mika sakripais maiki ba brima, daiwan nani, prisant nani aiska angki maiki ba sut sin brima. Bâra mika altarkam purara bîp wainhka nani yaban kabia.

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Sakaraya 8:3

Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.