Malaquía 3:10 - DAWAN BÎLA AISKA

¹⁰ Man nani diara 10 bani wina kumi, yang duki ba tempel ra lalahki watla ra brih bal, baku yang waitla ra plun ailal bâra kabia. Man nani baku dauki tâinka kaiks, man nani kaikma kasbrika purara windarka nani ba bukutbi, yamnika ailal man sut puramra yakabras kamna sapa.

Malaquía 3:10 ပူးပေါင်းရင်းမြစ်များ

Blasi Sturka 28:22

Naha walpaya playa bapanka kum bapi swisna na, naha na Gâd watla kabia; bara diara nani sut aikisma ba wina, mânka matawalsip bani ba wina, mânka kumi ba man ra maiki kamna piua sut ra.”

Blasi Sturka 7:11

Baha sika kati wâl aimakan yua ba, lapta yua 17 aimakan ra. Baha piua ra Noa 600 mani bri kan. Baha yua ra tihuka tara nani sut bâra ba, lî kârma nani sut sin baiwan. Kasbrika purara lî watla nani ba sut kwawan,

2 King Nani 7:19

Baha wihtka tara prapit ra win kata, Dawan ba kasbrika pura pali ba windarka sâkbia sin, baha nani sip baku takbia apia. Ilaidsa bui lika wisata witin ai nakra pali ni kaikbia, sakuna baha wina pibia apia.

2 King Nani 7:2

King hilpika ba bui prapit ra win: —Ban sakuna, Dawan kasbrika pura windarka nani ba kwâkbia sin, baku takbia apia man wiram ba baku. Sakuna Ilaidsa pana win: —Bamna man pali namkra ni kaikma ba ra, man baha wina sip pima apia.

1 Kronikas 26:20

Libait wala nani ba lika tempel lalahka ba main kaiki kan, mana luha yan dukia nani suni swin ba sin.

Nihimaya 12:44

Baha piua ra tila upla nani ba nina mâki bâk sakan kan, yuyaka nani auhbi swiaia watla, tempel ra bâra ba, plun mâ disang nani tâura sakan ba, matawalsip mânka nani bri bal ba pura kaikaia dukiara, waitna nani bâk sakan. Tawan uplika nani ai nasla wina plun saki bri balan nani ba baha plun watla ra auhbi kan, lâ ra ulban ba kat dauki kan, prîs bara Libait nani dukia. Juda uplika nani ai nasla wina bri bal kan, witin nani prîs bara Libait nani warkka dauki ba, ai âuyapah kan ba mita.

Nihimaya 12:47

Baku bamna, Zorobabel bara Nihimaya wal yua nani ba wina, Israel luhpia nani sut mita plun nani yabi kan aiwawanra nani ra bara tempel durka aihwawakra nani ra sin, baha lika piua kat yaban, baku sin Libait nani ra yabi kan, bara Libait nani mita lika Eran luhpia nani ra yabaia kan ba yabi kan.

Nihimaya 13:5

tempel bilara rum kum ra dus mâka kîa pain nani ba, dîa watla dikwa nani sâtka ba, plawar matawalsip mânka yabi nani ba, wain, batana laya, Libait nani ra, aiwani nani ra, tempel durka ra aihwaki nani ra yabaia dukia nani, baha rumka ra auhbi kan rumka ba witin ra yaban.

Lawana Nani 37:3

Dawan kat luki tniwi, yamni ba sin dauki bas; tasba ra iwi ai lâka ba wal sin kasak bas.

Lawana Nani 78:23

Ban sakuna, Gâd adar yaban kasbrika ra, bara kasbrika purara ba durka kwâkan.

Smasmalkra 11:3

Kasbrika ba lî banhwan sa kaka, laya ba tasba purara auhbia. Dus ba yahbra ra kauhras, apia kaka waupasa ra kauhbia, anira kauhbia ba ra, baha kat takaskbia.

Isikiel 34:26

“Yang sîpki nani, il holikira ba lama kir mangkamna, bara yamni munamna; yamni munan laya blikamna piua bani ra.

Isikiel 44:30

Baku sin prîs nani ba, tâura mâ kau yamni ba bribia bara prisantka nani ba sut. Bara man nani brit akbram, kau yamni ba witin nani ra yama. Baku yamni munanki lâka ba, man nani wamtla bilara kabia.

Oseas 2:21

Yang Dawan, baha kasak aisisna: Baha yua ra, yang kasbrika purara ba ra aisamna, bara kasbrika pura ba mita tasba ra aisabia;

Joel 2:19

bara Dawan bui witin nani ra win: “Yang bui man nani ra plawar mâ, wain mâ, oliv mâ batanka laya sin blikamna, man nani âmyapah takma ba kat; bara idan nani ba, swirka kli man nani lamwaska kiki kabia apia.

Joel 2:24

Bara plawar mâ ailal krikan kabia, wain mâ sin ailal pali takbia, batana laya sin pura laiwi kabia.

Libait Lâka 26:10

Plawar auhbi brisma ba wina pi kama, mani nani lubia ba plawar almuk ba sut sakan kabia, bara kli mangki saki auhbi brima ba kat.

Libait Lâka 26:3

“Yang lâika ba man nani dauki kama, kulki banhma sin lâka nani sut ba alki daukma ba ra,

Libait Lâka 27:30

“Tasba wina plun mâ nani sâkma ba, dus mâ nani sut ba Dawan dukia bamna 10 bani ba wina kumi ba, Dawan ra yama, baha kumika ba bâk sakan witin ai dukia.

Hageo 2:19

Aitani, sakuna naiwa yua wina man nani kaiki bas, plun mâ auhbaika ra kli plun âpu kabia apia. Wain kiwka ba kau ai mâ sakras sa sakuna, kwah damni dusa sin apia; drap tara sin apia, oliv dusa sin kau pawras sa; sakuna naiwa yua wina yamniki man nani wal ban kabia.’ ”

Kulki Kaikanka 18:21

Libait nani ra lika, upla nani diara matawalsip bani wina kumi yang ra aiki kaia ba, baha yama, tint watla ra witin nani wark dauki ba mana baha bri kabia.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Kli Smalkanka 12:6

Bahara witin ai nina ra luki daiwan nani angki sakripais dauki kama, bara matawalsip mânka nani, mihtam warkka, wan kupia wina prisantka nani brih wama, baku sin daiwram tawahkia nani wina sin.

Kli Smalkanka 14:22

“Mani bani patam mâ nani dâkma ba wina, takaskras kira matawalsip yabaia mânka nani ba tnaya ra laki swi bas.

Kli Smalkanka 14:29

Bara Libait nani tasba briras kan ba balbia, apia kaka tringsar nani, rau nani, piarka nani sin, sip kabia ai âuyapah piaia. Baku Dawan Gâdkam bui dîa sut daukma ba yamni munbia.

Kli Smalkanka 28:12

Bara kasbrika purara diara kukanka nani bri ba durka man nani ra kwâkbia tasbayam ra lî yabaia dukiara, bara wark sut ba pâwi kabia. Nisan ailal man nani wina bri kabia, sakuna man nani lika makabras kama.