Malaquía 2:6 - DAWAN BÎLA AISKA

⁶ Libai smalkanka tâski âpu kasakka tânka kat smalki kan. Yang wal wapni, kupia kumi lâka, upla ailal saura wina yamni ra lakan.

Malaquía 2:6 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 6:9

Naha sika Noa rayaka sturka ba: Noa sika waitna yamni pali kan, piua bani Gâd bîla wali dauki kan. Witin ai piua ra raya iwi kan waitnika nani sut tilara witin yakan baman Gâd kupia lâka kat dauki kan.

Lawana Nani 119:142

Man kasakkam lâka ba ban kaia ra kasak sa, bara man smalkankam ba sin kasak sa.

Lawana Nani 119:151

Man, Dawan, laimara sma, bara man lâmka bîla nani sut kasak tânka sa.

Lawana Nani 37:30

Upla yamni ba sins lâka ra luki sturi aisisa; upla yamni ba kasakka lâka daukaia luki sturi aisisa.

Lawana Nani 37:37

Upla ai tânka aihwa bara tânka yamni man bri ba, man laki kaiks; baha uplika sika kupia kumi lâka bribia.

Sins Lâka 5:2

Baku lika tânka brima nahki âuya mâira kaia ba, bara sip kabia sins tânka pliki wal aisaia.

Jirimaya 23:22

Witin nani ba yang tâinka dahra prakan ba tânka kaikan kata kaka, baku lika witin nani bui yang upliki nani ra aisaia sip kan; bara baha nani yabal saura nani ba sin swiaia kan ai daukanka saura nani ba sin swiaia kan.”

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Mark 12:14

Baha nani bal witin ra win: —Smasmalkra, yang nani kaikisna man lika diara kasak ba kat aisisma, upla dîa aisi ba man kulkras, kan man upla nani mawan ba kulkras, sakuna Gâd yabalka ba kasak tânka kat smalkisma. ¿Rom wihtka tara ra lal mana aibapaia ba lâ sa ki, apia kaka, lâ apia? ¿Yang nani lal mana aibapaia sna, apia kaka aibapaia apia sna ki?

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 20:21

Baha mita witin nani naha makabi walanka na makabi wali banhwan: —Smasmalkra, yang nani kaikisna man dîa aisi smalkisma ba kasak sa, bara man upla mawan ba sin kulkras sma, sakuna diara kasak ba bara Gâd yabalka tânka ba kat smalkisma.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Kli Smalkanka 33:10

Jekob ra bara Israel ra man lâmka bara adarkam nani ni smalks; man altarkam ra bara Dawan lamara, witin kaiki ba ra sîka mâka kîa yamni, daiwan angkan sin sakripaiska daukisa.

Kli Smalkanka 33:8

Libai dukiara aisin: “Tumim bara Urim ba, Dawan, man dukiam sa; upla kasakkira nani ba man dukiam sa. Masá ra man tânkam marikatma ba, Meribá laya ra aikuki blahwi yabatma ba,

Kli Smalkanka 33:9

ai aisika bara ai yapti nani ra win: ‘Yang bui man nani mai kaikras pali’, bara ai muihni nani ra sin win: ‘Man nani ba yang mai kaikras’, bara ai luhpia nani ra win: ‘Man nani ya sma sapa yang nu âpu.’ Witin nani bîlam walisa, aiska pali man lâmka ra iwisa.

Param Marikanka 14:5

Ai bîla nani ra kunin kumi sin sakras kan; witin nani na pât âpu sa, Gâd king iwaika mawanra.

1 Samuil 2:12

Elí luhpia nani ba watawikira nani kan, witin nani Dawan dukiara lukras kan,