Malaquía 2:14 - DAWAN BÎLA AISKA

¹⁴ ¿Man nani tânkam brisma, sakuna ban makabi walisma? Kan Dawan kaikisa man kau wahma katma ba ra, baha mairka wal lâ dauki mayam briram bara kunin munram, ¡witin sika man mayam pali kata, man bui witin wal kli swiaia apia wiram ba!

Malaquía 2:14 ပူးပေါင်းရင်းမြစ်များ

Blasi Sturka 2:18

Ningkara Dawan Gâd win: “Yamni apia sa upla ba yakan kabia. Bamna upla kum paski yabamna witin wal baku, ai hilpka pana pana dauki kaia ba dukiara.”

Blasi Sturka 31:50

Luhpi mairin nani na ra saura munma kaka, witin nani ai tnaya ra mairin wala nani wal sin kaka, baha witniska aimakaia wan tilara upla wala lika âpu kabia, sakuna Gâd yawan wan witniska aimaki kabia.

Sins Lâka 2:17

Lulki swisa kau tiara kan piua ra ai uplika aihwa pali kan ba. Bara ai âuya lap tikisa, Gâd ra ai pramiska ba.

Sins Lâka 30:20

Marit lâka sauhki mairka ba naku daukisa: witin plun pi si ai un dikisa bara wisa: “Yang diara watawi kumi sin daukras.”

Sins Lâka 5:20

¿Dîa kan luhpi upla maya wal aiblakwi kaia? ¿Dîa kan mairin tringsar klahkla ra klahbi aimakaia?

Smasmalkra 9:9

Rayakam ra lilia bri bas, baha mairka latwan kaikisma ba wal, wan nakra klipan baku, yu bani ba naha rayaka tânka âpu, Gâd mita naha tasba ra maikan ba baha baman man sâkma wark kasak takma ba wal, naha tasbaya ra.

Yamni Kulki Lawana 1:15

¡Kaiki painkira sma, laitwankira mairin, kaiki painkira sma! ¡Namkra nani ba butku wâl bâra ba baku sa!

Aiseya 54:6

Man maya mairin tiara kum baku sma, lulki mai swin bara sarikira sma, sakuna man Gâdkam kli mai winan, bara mai wisa:

Aiseya 58:3

Bara ban sakuna, witin nani wisa: ‘¿Yawan dîa muni kaiki plun wahwaia, Dawan tawi wan kaikras ba? ¿Yawan dîa muni mâyara bawi pât taki kaia, witin baha tânka sin briras ba?’ Sakuna damra wals, man nani kaiki plun piras sma ba yua ra, man nani brinkam ba kat hilpkam daukaia plikisma, bara warkkam tatakra nani ra diara dakbisma.

Jirimaya 29:23

Witin nani ra baku takbia, kan Israel wina tâski daukaia dukia nani daukan bamna: ai uplika maya nani lâka krikan, yang nini bri kunin manis aisin, baku aisaia wiras katna ba. Yang baha kaikisna, yang ra param sa. Yang, Dawan, kasak aisisna.’ ”

Jirimaya 42:5

Bara witin nani kli Jirimaya ra win: —Dawan Gâdkam ba yang nani maipara witnis kasak wapni kabia, yang nani ra ai wibia witin dîa man ra mai wibia ba yang nani daukras kamna kaka.

Jirimaya 8:12

¡Witin nani ai swira briaia kan baha dukia nani witin nani dauki ba, yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.’ ”

Jirimaya 9:2

¡Aitani lukaina upla iwras tasbaya ra iwaia pliska kum sakri kaka, upliki nani tila wina laihura waia! Kan witin nani sut ba kasak lukras nani takan sa; upla wala pât ra lalulkra daknika atia takan.

Isikiel 16:8

‘Aima wala lamak luri, bara mai kaikri; pat latwan lâka kaikaia piua katma. Yang kwailka ni mai blakatna, bara kwala luha katma ba mai bikri, bara yang pramis takri man ra; man wal lâ daukri, bara man lika yang duki takram. Yang, Dawan, kasak aisisna.

Miqueas 1:2

Upla nani sut, naha bîla na man nani aman pali wals: Dawan ai tempelka watla sunukira ba wina, man nani mampara witnis aisabia.

Malaquía 2:15

¿Gâd kumi ba mita man nani wînam rayakam ba sin paskan apia? ¿Bara baha Gâdka ba dîa makabisa? Man luhpiam nani ban, witin ai uplika nani sunu kaia. Bamna man nani lukankam pali wina luki kaiks: ¡Man wahma katma ra mayam wal lâ daukram ba krikpara!

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Malaquía 3:8

Bara yang mamkabi walisna: ¿Upla kum sip sa ki Gâd ra kunin muni ba wina diara briaia? ¡Sakuna man nani lika kunin aisi yang wina diara brisma! Sakuna man nani kau ban makabi walisma: ‘¿Dîa pali yang nani dauki kunin mai munisna ki?’ ¡Diara 10 bani wina kumi aikaia bara prisant wala nani sin aikaia sma ba man nani aikras kapram!

Wihta Nani 11:10

Wihta nani ba witin ra pramis takan: —Dawan ba yang nani witniski sa, yang nani dîa daukaia mai wîri ba kat daukamna.

1 Samuil 12:5

—Dawan bara witin mita bâk saki mangkan kingka ba sin wâlsut witnis sa, man nani bui yang warkki daukri ba tilara man nani pâtki sakras sma —Samuil aisin. Sut aisin: —Baku sa.