Malaquía 2:11 - DAWAN BÎLA AISKA

¹¹ Juda uplika nani Gâd ra kasak lukras, Jerusalem ra Israel tasbaya aiska ra watawi pali daukan. Dawan ai tempelka latwan kaiki lâka sunu ba sin tâski daukan, bara upla ai mihta ni paskan dawanka nani ra ai pura suni mairka nani ba Juda waitnika nani ai maya brin.

Malaquía 2:11 ပူးပေါင်းရင်းမြစ်များ

Esdras 10:2

Bamna Secanías, Jehiel luhpia waitna, Elam kiamka tila wina ba bal, naku Esdras ra win: “Yang nani wan Gâd mapara ai lâka ba saura pali dauki banhri, mairin nani nisan wala tasbaya wina kan ba, yang nani mayi bri banhri bamna; ban sakuna, Israel ra kau bîla kaikanka lâka bâra sa.

Esdras 9:12

Bara yang nani luhpi mairin nani ba, witin nani luhpia waitna nani wal maya baikamna apia wiram, baku sin luhpi waitna nani ba baha nani luhpia mairin nani wal maya baikamna apia wiram, witin nani aikuki sin kupia kumi lâka dauki, yamnika briaia lâka daukamna apia wiram, bara baku mika tawan ba karna kaia. Bara tasba ritska wina pi kamna wiram, bara wan luhpia nani ra prapatika yama piu bani ra ban kaia ra.

Lawana Nani 106:28

Witin nani Baal-peor albika takan, bara ailal nani sakripaiska daukan, pata ba sin pin.

Jirimaya 2:3

Israel ba yang baman mayi kan, mâ kau pain nani ba witin wina dâki kapri. Upla kum witin ra saura munuya ba ra, uplika ba klala yabi kapri pât saura nani baha uplika ra bliki. Yang, Dawan, kasak aisisna.”

Jirimaya 3:10

Baha diara nani sut takan ba ningkara, Juda rugkira ai kupia aiska laki yang ra balras, sakuna kunin ai munan. Yang, Dawan, kasak aisisna.”

Jirimaya 7:10

baha ningkara naha tempelka yang ra baman maiyunaia aikan na ra aula, yang maiwanra bal buaia. Bara man nani lukisma nahara man nani pain kabia bara diara takbia apia; man nani lukisma yang kau sip kupi alki briras sna dukia nani ba ban dauki kaia.

Isikiel 18:13

lalah upla ra lin munisa lukan tâski wal bara kau pura praki kulkaia dukiara; baha waitnika ba raya kabia apia. Baha ningkara naha dukia nani sut daukan ba, yang yamni kaikras na ba, rawaia apia, pruan kabia; bara witin klauna ai pâtka kabia ai prurika ba.

Isikiel 22:11

Upla kum kum bâra sa, ai uplika maya wal marit lâka sauhkisa, apia kaka, ai luhpia waitna maya wal swira lâka briaia dukia daukisa wisa, apia kaka saura taiban lâka munisa ai lakra, ai aisa apia ai yapti luhpia ra.

Oseas 6:7

“Sakuna yang upliki nani, Adam wal baku sa, lâika witin nani wal daukri ba krikan, bara maipara saura pali daukan.

Libait Lâka 20:26

Man nani holi kama, kan yang, Dawan, holi sna bamna, baku kama tawan upla sâtka wala nani tila wina aihka mai sakri.

Malaquía 1:1

Naha bîla nani sika Dawan, Malaquías ra aisin ba Israel luhpia nani ra wiaia.

Kli Smalkanka 14:2

Kan man nani ba Dawan Gâdkam mihta ra mangkan uplika nani sma; witin mita naha tasba ra iwi uplika nani sut tila wina aihka mai saki yamni mai kulkan sa, witin ai dukia kaia.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Wihta Nani 3:6

bara Israel luhpia waitna bara mairin nani ba, baha uplika nani luhpia nani ai maya brin, bara baha nani gâdka nani ra mayunan.