Malaquía 2:10 - DAWAN BÎLA AISKA

¹⁰ ¿Yawan sut Aisa kumi baman brisa, ban apia? ¿Yawan sut Gâd kumi mita wan paskan, ban apia? ¿Bamna dîa kan yawan pana pana kunin muni wan damika nani, Gâd wal lâ daukan lâka ba krikisa?

Malaquía 2:10 ပူးပေါင်းရင်းမြစ်များ

Nihimaya 13:29

¡Yang Gâdki: man kupiam krauki bas baha nani prîs lâka tâski daukan ba, prîs kaia lâka ba bara Libait lâka sin!

Job 31:15

Gâd kumi ba mita sika wan yapti biara ra paski wan mangkan, witin nani wal baku rayaka wankan sa.

Lawana Nani 100:3

Kakaira taks man nani, Dawan ba sika Gâd; witin sika wan paskan bara yang nani witin dukia sna. Yang nani, witin ai uplika sna bara sîp daknika nani sin.

Impakan Sturka 19:4

‘Yang bui Idsip uplika nani ra dîa daukri ba, man nani pat kaikram bara nahki man nani sin yang nâra sna na kat mai bri balri na, yakal tara kum tnawa ra mai mangki baku mai bri balri.

Impakan Sturka 19:5

Bahamna man nani diara sut ra yang lâika bîla nani kat wali daukaia mai wîri ba daukma kaka, man nani ba upla wala nani sut tila wina aihka mai saki, yang upliki nani pali mai brimni, tasba aiska ba yang duki sa bamna.

Impakan Sturka 24:3

Moses kli tawi wan bara upla nani ra wih diara nani sut witin daukaia Dawan mita win yaba aisi win. Bara upla nani sut ai bîla baikra kumi ni pana aisin: —¡Diara sut Dawan aisin ba, yang nani daukamna!

Impakan Sturka 24:7

Ningkara wal lâ daukan wauhkataya ba brin, bara upla nani ra aisi kaiki yaban, bara witin nani sut naku win: —Dawan win ba sut aiska daukaia mata, yang nani lukanki aiska bahara kat mangki brimni.

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 43:15

Yang sika Dawan sna ba, Israel Papaskra, Gâd Holikira ba, bara man nani kingkam ba.”

Aiseya 43:7

yang nini bri nani ba sut, witin nani ra yang bui paskri bara daukri ba, yang bui witin nani paskri ba maiyunra ba daukaia.’

Aiseya 44:2

Yang sika Dawan, man mai Papaskra, kau aisubi takras kapram piua ra pat mai paskan kan, bara hilp mai muni ba. Si bripara, Jesurún, Jekob uplika nani, upla dukia dadaukra sakri ba,

Aiseya 51:2

man nani aisikam Ebraham ra kaiks, bara Zérah ra sin, man nani rayaka maikan ba. Yang bui witin ba paiwri yakan bâra kan bamna, bara witin ra yamniki yâri, bara kiamka ailal daukri.

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Aiseya 64:8

Ban sakuna, Dawan, man sika yawan wan Aisika; yang nani na slaubla ba bara man sika wan paski wan daukram ba; ¡baku bamna yang nani sut na, man mihtam warkka nani sna!

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Isikiel 33:24

“Upla nani Israel tawanka nani slingban ba ra iwi nani ba, aisi taukisa: ‘Ebraham ba yakan kan ba ra, ban sakuna kuntrika aiska ba dawanka takan; yawan upla kau ailal banhwi na, kau wan raitka brisa kuntrika na dawanka nani takaia.’

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Malaquía 2:11

Juda uplika nani Gâd ra kasak lukras, Jerusalem ra Israel tasbaya aiska ra watawi pali daukan. Dawan ai tempelka latwan kaiki lâka sunu ba sin tâski daukan, bara upla ai mihta ni paskan dawanka nani ra ai pura suni mairka nani ba Juda waitnika nani ai maya brin.

Malaquía 2:8

“Sakuna man nani prîska lika, yabal kasak ba wina tnaya ra tawram; smalkankam nani ba ni upla ailal batakram. Baku man nani upla nani ra smalkram lâika Libai ra yabri ba warha daukaia.

Matiu 10:21

“Upla nani ai muihnika nani ra kunin muni prura pâtka ra dingkbia, aisa nani mita sin ai luhpia nani ra baku munbia; luhpia nani ba ai aisika nani mapara bubia, bara prura mihta ra mangkbia.

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Matiu 3:9

bamna pana pana aimayuni naku aisapara: ‘Yang nani na Ebraham kiamka’; kan yang bui man nani ra mai wisna: Gâd sip sa naha walpaya nani na wina Ebraham kiamka daukaia.

Luk 1:73

Naha pramiska sika Gâd wan damika Ebraham wal swer taki daukan ba:

Luk 3:8

Diara nani dauki mariks, saurkam nani wina kupiam lakram tânka ba, bara man nani pana pana sin aisapara: ‘¡Yawan lika Ebraham kiamka!’; kan yang pali mita mai wisna, Gâd sip sa naha walpaya nani na brih, baha ni Ebraham kiamka nani daukaia.

Jan 8:39

Baha nani pana win: —¡Yang nani aisiki ba lika Ebraham! Jisas pana win: —Man nani ba kasak Ebraham luhpia nani katma kaka, dîa witin daukata ba, man nani dauki kaia kapram.

Jan 8:41

Man nani daukisma dîa aisikam daukan ba. Baha nani pana win: —¡Yang nani lika bastar apia; Aisa kumi baman brisna, baha ba Gâd!

Jan 8:53

¿Dîa man na wan aisika Ebraham wal kau tara sma ki? Ebraham bara prapit nani sin pruan. ¿Bamna man na ya sma damra walisma ki?

Jan 8:56

Man nani damikam Ebraham ba, yang ra ai kaikaia kan ba ai kaikan baha mita lilia ni aibanhwan kata.

Apastil Nani Sturka 17:24

‘‘Gâd bui tasba paskan ba bara dîa dîa baha bilara ba, witin sika kasbrika pura bara tasba Dawanka. Witin lika upla bui paskan tempelka sâtka nani ra iwras sa,

Apastil Nani Sturka 17:25

bara sin nit apia sa upla kum bui witin dukiara diara kum daukbia, kan witin bui sika yawan sut ra rayaka ba wankisa, baku sin pâsa bara diara wala nani ba.

Apastil Nani Sturka 17:26

‘‘Waitna kumi wina baman witin bui nisan nani sut paskan, baha nani ba tasba aiska ra iwbia dukiara; bamna piua ba bara anira witin nani iwaia ba sin marikan sa,

Apastil Nani Sturka 7:2

Bara witin pana aisin: —Muihni nani bara aisa nani, ai wals. Wan Gâdka pranakira ba mita wan damika Ebraham ra param takan, witin Mesopotamia ra iwi kan piua, kau Eran ra wih iwras kan ba ra.

Apastil Nani Sturka 7:26

Yu wala, Moses kaikan Israel waitnika wâl lika aiklabi kan, bara witin brin dauki kan baha nani wâlsut ba kupia kumi daukaia, bara witin nani ra win: ‘¿Man nani wâlsut ba muihkam apia? ¿Dîa kan pana pana wînam ra rausauhkisma?’

Roman 4:1

Bamna, ¿yawan dîa wibia, wan damika Ebraham ba dîa brin ki?

Roman 9:10

Bara naha lika sut apia sa. Rebeca luhpia waitna wâl kan ba aisa kumi wina kata, wan damika Aisak;

1 Korint 8:6

ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.

Epesus 4:25

Baha mita kli kunin aisapara, sakuna kumi bani ai muihnika ba wal diara kasak baman aisi kabia, kan yawan sut lika wîna tara kum sirpika nani sa.

Epesus 4:6

Gâd kumi baman sa upla nani sut Aisika. Witin lika sut purkara sa, diara sut bâk ai warkka daukisa, bara sut ra sin dimi iwisa.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

Hibru Nani 12:9

Baha purkara, yawan tuktan nani kan ba ra, wan aisika nani mita wapni wan mangki kan, bara yawan bui witin nani ra ban kulkanka yabi kan. Ban kaka, wan Aisika kasbrika purara ba ra bawaia yawan kau lâ brisa, bara baku mika raya banhwi kaia.

Jasua 24:3

Éufrates awalka un wina Ebraham ba saki briri, bara Kenan tasbaya ba aiska yâri wapi taukan. Yâri ailal sahwaia, pas ai luhpia Aisak ba sin yâri,