Luk 9:60 - DAWAN BÎLA AISKA

⁶⁰ Sakuna Jisas pana win: —Swis pruan nani ai pruanka nani ba bikbia; sakuna man lika Gâd king aimaki lâka sturka ba upla nani ra wih maisa paks.

Luk 9:60 ပူးပေါင်းရင်းမြစ်များ

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Matiu 8:22

Bara Jisas bila: —Nini blîks; swis pruan nani ba ai pruanka nani ba bikbia.

Luk 15:24

Kan naha luhpi waitna pruan kan, kli rawan; tiwan kan, yawan bui witin na kli sakan sa.’ Bamna mahka lilia daukan.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

1 Korint 9:16

Swaki sakan sturka aisi smalkaia ba lika, yang maipa ra aimayunaia dukia apia sa, kan yang baha daukaia sna. Sturi yamni ba aisi smalkras sna kaka, yang maipa ra saura pali kabia.

Epesus 2:1

Blasi man nani watawika lâka tâka saurka lâka tilara pruram katma.

Epesus 2:5

bamna yawan na Kraist wal aikuki asla raya kaia lâka ba wankan sa, kau wan saurka nani tâka mita pruan kan ba piua ra. Baku bamna, Gâd latwanka lâka ba mita man nani sut swaki mai sakan sa.

1 Timoti 5:6

Sakuna ani piarkika ai wîna brinka ra iwi nani ba, witin ba raya kabia kuna pat pruan baku sa.

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

Param Marikanka 3:1

“Sardes sertska insalka ra sin ulbi wis: ‘Gâd spiritka 7 bri ba bara slilma sin 7 bri ba naha aisisa: Dîa daukisma ba, yang sut kaikisna, bara kaikisna man ba pruram sa sakuna sturka brisma ba lika raya sma.