Luk 9:59 - DAWAN BÎLA AISKA

⁵⁹ Bara Jisas mita wala ra win: —Nini blîks. Sakuna witin bila: —Dawan, ai swis yang wih aisiki pas bikamna.

Luk 9:59 ပူးပေါင်းရင်းမြစ်များ

1 King Nani 19:20

Bara witin bîp nani ba swi si, Ilayas ninara plapi balan, bara win: —Mamkabisna ai swirka, yang wih papiki bara yaptiki kiawalamna, ba ningkara ninam blikamna. —Sip sma waia —Ilayas win—, sakuna kupiam krauki bas man ra dîa daukri ba.

Hageo 1:2

Karnika sut bri ba Dawanka, prapit Hageo ra naku aisin: “Naha uplika nani na aisisa: Nanara yang, Dawan tempelka ba kli mâkaia piua apia sa.”

Matiu 16:24

Bara Jisas ai disaipilka nani ra win: —Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

Matiu 9:9

Jisas baha wina mahka wan, bara waitna kum wal prawan, ai nina Matiu. Witin ba lal mana wawahbra kan Rom ra yaia bara bahara iwi kata. Jisas mita win: —Nini blîks. Bara Matiu mahka bûi, ai nina blikan.

Luk 9:60

Sakuna Jisas pana win: —Swis pruan nani ai pruanka nani ba bikbia; sakuna man lika Gâd king aimaki lâka sturka ba upla nani ra wih maisa paks.