Luk 9:51 - DAWAN BÎLA AISKA

⁵¹ Jisas kasbrika purara brih waia ba piua pat baila kan ba ra, ai kupia karna brih Jerusalem ra tawi wan.

Luk 9:51 ပူးပေါင်းရင်းမြစ်များ

2 King Nani 2:11

Bara witin nani wal wapi aisi wan ba ra, ai dahra walras kan wagin ba pauta klauhan; bara araska ba sin pauta klauhi kan, bara wal dakwi takan, bara Ilayas ba laih kasbrika purara pali, bara pâsa karna kum mita brih uli wan.

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Luk 12:50

Pât wahwanka saura bâk luaisna ba ra, nahki pât wahwisna ba lika tnata kat brih wabia.

Luk 13:22

Jisas ban impaki wan Jerusalem ra bara witin lika tawan tara nani bara tawan sirpi nani bâk dimi upla smalki auya kata.

Luk 17:11

Jisas ba ban Jerusalem ra impaki kan, witin Sameria bara Galili wal tasbaya bâk luan.

Luk 18:31

Jisas ai disaipilka 12 ba wiria tnaya ra bri si, naku win: “Nanara yawan Jerusalem ra auya, bahara sika prapit nani bâk, Upla Luhpia Waitna dukiara dîa ulban ba sut aimakbia.

Luk 19:11

Jisas naha diara nani aisi kan ba ra upla nani ba kau wali kan, witin naha maprika lilka na aisin pat Jerusalem ba baila kan bamna, witin nani ba luki kan baha sim piua ra Gâd king aimaki lâka ba balbia.

Luk 19:28

Naha diara na aisin ningkara, Jisas Jerusalem ra impaki auya kan.

Luk 24:51

Bamna baha nani ra yamni muni kan piua ra, baha nani wina dakwi takan, bara kasbrika purara brih wan kata.

Luk 9:57

Witin nani yabalku auya kan ba ra, waitna kum Jisas ra win: —Dawan, ninam blikaia want sna ansa ansara wama ba ra.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 16:28

Yang na Aisa wina taki naha tasba ra balri; bamna nanara naha tasba na swi si, kli Aisa ra auni.

Jan 16:5

Sakuna nanara mahka auna, ai blikan ba wal kaia, kuna man nani wina kumi sin ai makabi walras sma anira auna sapa.

Jan 17:11

“Yang lika kau naha tasba ra takaskamna apia; sakuna witin nani lika tasba ra kabia, kan yang lika auna man wal kaia. Aisa Holikira, ninam karnika ba ni baha nani ra main kaiki bri bas, baha ninam yang ra aikram ba, bara baku mika witin nani sut asla kabia, sim man ba yang wal asla ba baku.

Jan 6:62

¿Ban kaka, dîa takbia ni, Upla Luhpia Waitna kli uli auna kaka man nani ai kaikma ba ra?

Apastil Nani Sturka 1:2

ban kasbrika purara uli wan ba kat. Ai apastilka nani wahbi saki Spirit Holikira bâk smalkan, dîa pali sika witin nani daukaia kan ba.

Apastil Nani Sturka 1:9

Diara nani aisaia bri kan ba sut aisan ba ra, apastil nani mawan wina Jisas ba mahka kasbrika purara uli wan; kasbrika kum bâk brih dimi tiwan, bara witin nani bui Jisas ba kli sip kaikras kata.

Epesus 1:20

Kraist pruan wina buki ai mihta aihkika tani ra kasbrika purara yan iwan ba ra.

Pilipai 3:14

Baku bamna, yang mark ba alkaia plapisni prisant ba briaia dukiara, baha briaia Gâd kasbrika purara ba mita wan paiwi ba, yawan Kraist Jisas wal asla ba mita.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 6:20

bara bahara sika Jisas yawan dukiara dimi wan ba, yabal kum kwâki wankaia dukiara. Baku Jisas ba ban kaia ra prîs tara kum takan sa, Melkisedek prîska lâka ba baku.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.