Luk 9:41 - DAWAN BÎLA AISKA

⁴¹ Jisas pana win: —¡Kasak lukras upla warha nani! ¿Ahkia kat yang na man nani wal kamna, bara kupi sin alki takaskamna ki? ¡Luhpiam ba nâra bri bal!

Luk 9:41 ပူးပေါင်းရင်းမြစ်များ

2 King Nani 5:8

Prapit Ilaidsa ba sturi walan Israel kingka ba ai prâka kalkan ba dukiara, bara king ra ai bîla bliki win: “¿Dîa muni man prâmka ba kalkram? Wis waitnika ba yang ra balbia, bara ai tânka bribia Israel ra prapit kum bâra ba.”

Lawana Nani 78:8

Bara ai damika nani baku kabia apia, mapara babura bara lukras nani kan ba, ai kupia bara ai spiritka nani sip bapi buras, kiamka kum sip kasak lukras ba.

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Impakan Sturka 16:28

Bara Dawan bila Moses ra win: —¿Ahkia kat man nani bui yang lâika bîla nani ba bara smalkanka nani ba sin, bîli wali daukras ban kama?

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Kulki Kaikanka 14:11

bara Dawan mita Moses ra win: —¿Ahkia kat naha uplika nani ban bahki ai kulki kabia ki? ¿Ahkia kat ban kasak ai lukras kabia ki, baha diara aihkakira nani witin nani tila kat daukatna ba?

Kulki Kaikanka 14:27

—¿Ahkia kat yang naha Israel uplika watawikira nani maipara brukwi aisi ba mapara, kupi alki takaski wali kamna ki? Witin nani maipara saura aisi ba aitani pat walri sa.

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Matiu 12:39

Jisas pana witin nani ra win: —Upla watawikira nani kasakka lâka briras nani ba sain aihka kum makabisa, sakuna witin nani ra sain kumi sin marikras kabia, prapit Jona sainka baman lika.

Matiu 12:45

Bara witin auya bara pirit kau 7 brih aula witin purkara kau saura nani, bara sut uplika ra dimi, baha ra iwi banhwisa bara kanra kata uplika ba nanara kau saura takisa. Naha sim baku takbia naha uplika saura nani ra.”

Matiu 16:4

Naha uplika watawikira nani kasakka lâka briras ba, sain aihka kum makabisa; sakuna witin nani ra sain kumi sin marikbia apia, sakuna Jona sainka ba baman lika.” Bara Jisas baha nani swi si, mahka wan.

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Matiu 23:36

Kasak pali man nani ra mai wisna, naha pâtka sut na lika naha piua uplika nani ra balbia.

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Mark 10:14

Jisas baha kaiki baha nani ra lawi daukan, bara naku win: —Swis tuktan nani ba yang ra balbia, witin nani takaskpara, kan Gâd kingka lâka ba witin nani sâtka uplika nani dukia sa.

Mark 10:49

Bara Jisas takaski, naku win: —Witin ba paiws. Bara witin nani blain waitna ba wini, naku win: —Tâm baiki bus, witin mai winisa bamna.

Mark 9:19

Jisas bila: —¡Upla nani sip kasak lukras sma ba! ¿Ahkia kat man nani wal kamna ki? ¿Ahkia kat kupi alki takaski brimna man nani wal? ¡Tuktika ba nahara bri bal!

Luk 8:25

Bamna witin mita disaipil nani ra naku win: —¿Kasak lukankam lâka ba dîa takan? Sakuna witin nani sibrin takan, tâ sin iwan, bara pana pana tawi makabi wali kata: —¿Naha waitna na ya, kan pâsa bara liura sin adar yan ai bîla wali ba?

Luk 9:40

Yang disaipilkam nani ra makabri piritka saura ba sâkbia, sakuna sip sakras kata.

Luk 9:42

Tukta ba Jisas lamara aula kan ba ra, pirit saura ba mita tasba ra lulki saban, bara kli munan lasa prukan; sakuna Jisas pirit saura ba ra lawi daukan, tuktika sin rakan, bara ningkara kli aisika ra yan.

Jan 14:9

Jisas pana win: —Pilip, nahki piua wihka yang lika man nani wal sna, ¿bara kau ai kakaira apia sma ki? Ani uplika yang ai kaiki ba, Aisiki ra sin kaikisa; ¿bamna, dîa muni Aisa ba kaikaia makabisma?

Jan 20:27

Ningkara Jisas mita Tamas ra win: —Mihtam kulkaika ba nahara dingki, mihti nani na kaiks, bara mihtam ba sakbi tnaiya mina untika na ra dingki kaiks. ¡Bamna lukras ban kapara, sakuna kasak luks!

Apastil Nani Sturka 13:18

Bamna Gâd bui witin nani ba mani 40 upla iwras tasbaya ra main kaiki brih tauki kan,

Apastil Nani Sturka 2:40

Bara Pita lika naha bîla nani aisin na purara, kau kupia kraukanka ailal baha uplika nani ra yabi, naku smalki win: —¡Man nani naha uplika nani tiwan banhwi na tila wina bal taki, swaki sakan lâka ba alks!

Roman 2:4

Apia kaka, ¿man lika Gâd yamnika manis ba, bara wihka takaski lâka ba sin bahki kulkisma, bara damra sin walras pali sma, Gâd yamnika lâka ba lika kupiam lakaia dukiara sa?

Kli Smalkanka 32:5

“Upla saura bara kiamka warha, Gâd mapara buan nani ba sip ai luhpia nani takbia apia:

Hibru Nani 3:19

Bamna yawan kaikisa, witin nani ba sip dimras kan, kasak lukras kan ba mita.

Hibru Nani 4:11

Baku bamna, yawan karna trai muni baha riska ra dimaia sa. Yawan tila wina kumi sin baha nani kasak lukras nani kan ba baku kaia apia sa.

Hibru Nani 4:2

Kan yawan ra sin sturi yamni ba wan smalkan sa, sim witin nani ra smalkan ba baku. Witin nani baha sturka ba walan, sakuna bahki baman wali banhwan, kan witin nani ba kasak lukras kira pali ban walan.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.