Luk 9:1 - DAWAN BÎLA AISKA

¹ Jisas ai disaipilka 12 ba asla paiwi, baha nani ra karnika bara adar sin yan, pirit saura nani kangbi sakaia bara siknis nani rakaia sin.

Luk 9:1 ပူးပေါင်းရင်းမြစ်များ

Matiu 16:19

Kasbrika purara ba Kingka lâka kî mihta ba maikamna; dîa dîa naha tasba ra wilkma ba, kasbrika purara ba sin wilkan kabia; bara dîa naha tasba ra lanhkma ba, kasbrika purara ba sin lanhkan kabia.

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Matiu 8:9

Kan yang pali sin wihtki nani purira sa, bara baku sin suldiar nani mihti ra brisna. Witin nani kum ra wabia wimna kaka, witin auya; wala ra balbia wimna kaka, witin aula; bamna albiki ra diara kum daukaia wisna kaka, witin daukisa.

Luk 10:1

Naha diara ningkara, Dawan lika kau upla 72 bâk saki brin, bara baha nani ba wâl wâl ra saki ai kainara blikan, tawan nani bara plis bani ra witin waia kan ba sut ra.

Luk 10:19

Yang bui man nani ra karnika maikri, piuta nani bara misri nani ba minam ni taibaia, bara waihla karnika ba sut sin pura luaia, bara man nani ra lika diara kumi sin watawi mai munan kabia apia.

Jan 14:12

Kasak pali mai wisni, yang ra kasak luki uplika ba, diara nani daukisna ba witin mita sin daukbia, kau diara tara nani sin daukbia, kan yang Aisa bâra ba pliska ra auna.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 3:16

Naha sim Jisaska nina ra kasak luki ba mita sika naha waitna wapaia karnika brin, naiwa man nani sut kaikisma na, Jisas nina ra kasak lukan lâka ba mita sika. Baha kasak lukan mita sika aiska pali rawan na, baku man nani sut kaikaia sip sma.

Apastil Nani Sturka 4:30

Man mihtam karnika ni siknis nani rakbia, bara sain aihka nani sin daukbia, man Luhpiam holikira Jisas nina ra.”

Apastil Nani Sturka 9:34

Bara Pita bila: —Eneas, Jisas Kraist mai rakuya. Bûi muni, krikrikam ba pain dauks. Baha pali piua ra Eneas mahka buan.