Luk 8:8 - DAWAN BÎLA AISKA

⁸ Sakuna mâ wala nani lika tasba pain ra kauhan, bara pâwan, mâ pain yan, mâ bani wina tila handat prais sin sakan.” Jisas naha diara aisin ningkara, witin ai bîla baikra karna wini, naku win: “¡Man nani kiamam nani walaia brisma kaka, pain wali banhs!”

Luk 8:8 ပူးပေါင်းရင်းမြစ်များ

Blasi Sturka 26:12

Bara baha manka ba, Aisak baha tasbaya ra insla dauki mâ mangkan, plun pain sakan. Dawan ai yamnika witin ra yan bamna,

Sins Lâka 20:12

Wan kiama diara wali ba, wan nakra diara kaiki ba sin, wâlsut Dawan mita paskan.

Sins Lâka 8:1

Sins lâka ba, ai bîla baikra tara saki winisa; diara tânka bri ba, bîla baikra yan walisa.

Jirimaya 13:15

¡Israel luhpia nani, Dawan aisin! Man nani prautkira kapara, aisin ba aman wals.

Jirimaya 25:4

Baha sut ban sakuna, Dawan ba aima kum kli aima wâl ra sin, ai dukia dadaukra, ai prapitka nani ba man nani ra blikan, man nani bui witin nani ra walras, aisi ba sin walan mai daukras bara bîla wali sin daukras.

Matiu 11:15

Ya ai kiama bri ba, walbia.

Matiu 13:23

Sakuna saumuk nani tasba yamni ra mangkan ba lika, sturi yamni walan bara tânka ba brisa, ba mita mâ sin pain sakisa, kum kum ba mâ kumi wina 100 sakan ba baku, wala nani 60 sakan ba baku, apia kaka 30 sakan ba baku.”

Mark 4:20

Sakuna upla wala nani sturi yamni ba wali ai kupia ra dingki brisa, bara mâ sin pain sakisa, tasba pain ra kauhan kata ba wal baku. Tila nani lika mâ kum wina 30 saki ba baku, wala nani 60 sakan ba, bara 100 sakan ba wal baku sa.”

Mark 4:23

Man nani kiamam brisma ba, wali bas.”

Mark 4:8

Sakuna tila tasba yamni ra kauhan, bara mâ nani ba baiwi pâwan, mâ ailal sin sakan; mâ kum wina 30 sakan, wala 60 bara yumhpika 100 sakan.”

Mark 7:16

[Man nani kiamam brisma ba, wali bas.]

Luk 14:35

Tasba mapa ra bara dipasta ba mapa ra sin saura sa, bamna upla mita baha lulkuya kli yus munaia apia dukiara. Kiamam brisma nani ba, wali bas.”

Luk 8:15

Sakuna saumuk mâ nani tasba pain ra kauhan ba sika, baha uplika nani ai kupia pain ni, ridi pali Dawan bîla smalkanka ba waluya, bara piua bani kasak ban sa, bara mâ pain pali sakuya.

Luk 8:7

Plun mâ wala nani lika kiaya nani tilara kauhan, bara kiaya wal pâwan bamna, sut blaki ikan.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Param Marikanka 13:9

Man nani kiamam brisma kaka, wali bas:

Param Marikanka 2:11

¡Ya ai kiama bri ba, Spirit mita serts nani ra wi ba, pain walbia! Ya ya sip muni pura lubia ba, prura wala ba mita saura kumi sin munbia apia.’

Param Marikanka 2:7

¡Ya ai kiama bri kaka, Spirit mita serts nani ra wi ba pain walaia sa! Ya ya sip muni pura lubia ba, raya kaia dusa Gâd paradaiska ra ba wina, yang mita yârika pibia.’

Param Marikanka 3:13

¡Ya ai kiama bri ba, Spirit mita serts nani ra dîa wi ba walaia sa!’

Param Marikanka 3:6

¡Ya ai kiama bri, Spirit ba dîa serts nani ra aisi ba walaia sa!’