Luk 8:29 - DAWAN BÎLA AISKA

²⁹ Witin baku aisin, kan Jisas mita piritka saura ba ra win, witinka ba wina takbia. Aima ailal piritka saura ba mita alkan kan, bara upla nani mita mihta nani sîn ni priski aihwaki bri kan, sakuna baha sut dakban, bara pirit saura ba mita munan twi ra plapan.

Luk 8:29 ပူးပေါင်းရင်းမြစ်များ

Mark 5:8

Naku aisin, kan Jisas pat naku win kan bamna: —¡Pirit saurakira, man waitnika na wina mahka taki was!

Luk 8:28

Witin Jisas kaikan piua ra, mawan kat wih ai lula ra kauhi, ai pura winan: —Jisas, Gâd Laih Purara iwi ba Luhpia, ¿dîa kan tili dimisma ki? ¡Yang mamkabisni, rau ai sauhkpara!

Luk 8:30

Jisas mita makabi walan: —¿Man ninam dîa? Witin pana win: —Yang nini ba Dakni Tara. Witin naku aisin, kan pirit saura ailal pali waitna ba ra diman kata.

Luk 9:39

bara pirit kum mita alki muni, ai bîla baikra karna yan winisa, lasa sin yan prukisa, bara ai bîla wina ukata yan takisa. Saura pali munisa, swih taki wan sin daukras.

Luk 9:42

Tukta ba Jisas lamara aula kan ba ra, pirit saura ba mita tasba ra lulki saban, bara kli munan lasa prukan; sakuna Jisas pirit saura ba ra lawi daukan, tuktika sin rakan, bara ningkara kli aisika ra yan.