Luk 8:24 - DAWAN BÎLA AISKA

²⁴ Bara witin nani wih Jisas ra tatukbi, naku win: —¡Smasmalkra! ¡Smasmalkra! ¡Yawan na rungwisa! Bara Jisas mita pâsa bara rip nani ba ra lawi daukan; bara sâp takan, lamni tara sin balan.

Luk 8:24 ပူးပေါင်းရင်းမြစ်များ

Lawana Nani 65:7

Man bui kabu binka tara ba lamni daukisma, bara uplikam nani yakabrira ba sin asla dauki lamni brisma.

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Jirimaya 5:22

Yang Dawan sna ba, naku wisni: ¿Dîa man nani bui yang ra sip si briras sma ki? ¿Dîa man nani maiwanra sip tatatras sma ki? Kabu un kir tawan ba baku sika yang mita kabu piarkika ba mangkri, ripka tara nani karna âpu tilwisa bara bin tara daukisa, sakuna piarkika ba wina luras sa.

Nahum 1:4

Kabu ra lawi dauki aisi ba ra, laya ba mahka lâwisa, awala nani ba sut sin yan lâwisa. Basán tasbaya tnaya nani ba bara Carmelo ilka ba srawisa; bara Líbano ra dus tangnika nani sin sut srawisa.

Matiu 14:30

Sakuna ai dara walan pâsa ba karna krawi kan, bara sibrin daukan; bamna mahka rungwi kan kaiki, naku ai pura winan: —¡Dawan, swaki ai sâks!

Matiu 8:25

Bara ai disaipilka nani wih tatukbi muni, naku win: —¡Dawan, swaki wan sâks! ¡Yawan pât rungwisa!

Mark 4:39

Bara Jisas bui pâsa ra lawi dauki, kabu ra sin win: —¡Sâp bas! ¡Mahka lamni taks! Bara pâsa ba sâp takan, witin nani sin âuyapah takan.

Luk 4:35

Jisas piritka tâski ra lawi dauki, win: —¡Bîlam praks, bara naha waitna na sin swis! Baku mika, pirit tâski ba mita waitna ba witin nani mawan kat tasba ra batakan, mahka sin witin ba wina takan, diara kumi sin watawi munras.

Luk 4:39

Jisas mairin ba purara wih aimakupi, rihka ra lawi daukan, bara rihka ba witin wina takan. Baha sim piua ra, mairin ba mahka bûi, witin nani dukia dauki kan.

Luk 5:5

Saiman pana win: —Smasmalkra, yang nani tihmia aiska wark takri, diara kumi sin alkras; ban sakuna man baku wan wisma bamna, yang tân ba lulkamna.

Luk 8:25

Bamna witin mita disaipil nani ra naku win: —¿Kasak lukankam lâka ba dîa takan? Sakuna witin nani sibrin takan, tâ sin iwan, bara pana pana tawi makabi wali kata: —¿Naha waitna na ya, kan pâsa bara liura sin adar yan ai bîla wali ba?