Luk 8:1 - DAWAN BÎLA AISKA

¹ Naha ningkara, Jisas tawan tara nani bara tawan sirpi nani ra sin impaki, Gâd Kingka Lâka sturka ba smalki kan. Apastil 12 ba witin yula kahbi tauki kan.

Luk 8:1 ပူးပေါင်းရင်းမြစ်များ

Matiu 11:1

Jisas ai disaipilka 12 ra smalki luan ningkara, witin mahka wan baha tasbaya tawanka nani ra smalkaia.

Matiu 13:19

Yabal ra saumuk nani kauhan ba lika, Gâd king aimaki ba lâka sturka yamni walan sakuna tânka briras nani ba baku sa; dibil ba aula, bara ai kupia ra sturi yamni mangkan kata ba, mihta dakbisa.

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Matiu 9:35

Jisas lika tawan tara nani bara tawan sirpi nani ra sin tauki kan, bara tawan bani priaska watla nani ra smalki kan. Witin lika Gâd king aimaki ba lâka sturka yamni ba smalki kan, bara siknis sât sât, wan wîna latwanka nani sin raki kan.

Mark 1:39

Baku Jisas Galili kuntrika aiska ra tauki kan, tawan bani ra Ju nani priaska watla ra smalki, bara pirit saura nani sin kangbi saki kan.

Luk 1:80

Baku kan ba ra, tukta ba pâwi karna sin taki kan, ai wîna tara mapa ra, ai spiritka mapa ra sin. Witin lika upla iwras tasbaya ra takaski kan, Israel luhpia nani ra param takan piua ba kat.

Luk 20:1

Yu kumi Jisas tempel ra upla nani ra smalki kan, bara swaki sakan lâka ba dukiara sin aisi kan, prîs wihtka nani, Lâ Smasmalkra nani bara wihta almuk nani ba sin aikuki aidrubi bal,

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Luk 9:6

Bamna witin nani taki wan, bara tawan sirpi nani sut ra dimi swaki sakan lâka sturka ba smalki kan, bara plis bani ra sikniskira nani bâra kan ba sin rakan.

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 13:32

“Baku bamna, yang nani nâra sna baha sturka yamni ba man nani ra mai wiaia, Gâd bui dîa wan damika nani ra pramis munan ba.

Roman 10:15

¿Bara nahki sturi yamni ba smalkbia, blîkka wih smalkaia ba âpu sa bamna? Ulbanka ra wi ba baku: “¡Kupia kumi lâka sturka bara sturi yamni smalkaia brih aula uplika mina nani ba painkira pali sa!”