Luk 7:39 - DAWAN BÎLA AISKA

³⁹ Jisas ra paiwan parisika ba mita naha kaikan piua ra, ai kupia ra naku lukan: “Naha waitnika na prapit kum kata, ai dara walaia kan witin ai taya ra kangbi mairka ba ya sapa, kan witin lika saura lâka dadaukra sa.”

Luk 7:39 ပူးပေါင်းရင်းမြစ်များ

2 King Nani 5:20

prapit Ilaidsa albika Guehazí, witin ai kupia wal aisan bara win: “Kaiks, yang wihtki Naamán bui Siria waitnika ba wina diara kumi sin briras witin brih balan dukia ba wina. Swer takisna Dawan nina ra, yang istikira nina blikamna, bara witin wina diara kumi pan brimna sapa.”

Sins Lâka 23:7

Witin ai lukanka ra dîa luki ba witin ba baku sa; mai wisa bal piaia, diaia, sakuna ai kupia ba man wal apia sa.

Aiseya 65:5

Witin nani wisa: ‘Man nani bâra takasks, yang laimara balpara; kan yang kau holi sna man ba wal. Baha uplika nani ba sika pauta klauhan aswi ban sa; ai munisa kiasma wan kakma ra kisni dauki ba baku.

Matiu 20:16

“Baku bamna, ya nani ninara ba, tâura tawbia, bara tâura nani ba ninara tawbia.

Matiu 21:11

Bara upla nani ba bila: —Naha na prapit Jisas, Galili tasbaya ra Nasaret tawanka ba wina.

Mark 7:21

Bîla tani wina, upla kupia wina taki ba lika: lukanka saura nani, rugka lâka, diara implikaia, upla ikaia ba,

Luk 12:17

Waitnika ba mahka ai kupia wal naku aisin: ‘¿Yang dîa daukamna? Pati mâ nani auhbaia pliska yang âpu.’

Luk 15:2

Bara naha dukiara, parisi nani bara Lâ Smasmalkra nani sut Jisas mapara brukwi, aisi kan: —Naha waitnika upla saurakira nani ba ai lamara brih, aikuki sin plun pîsa.

Luk 16:3

Baku mika, wark uplika ba ai kupia wal aisin: ‘¿Nanara yang dîa daukaia, dawanki mita warkki na mihti wina sâkbia kaka? Tasba tukbaia karnika sin âpu sna, bara upla nani ra wih diara makabaia sin swiri ai daukisa.

Luk 18:4

Wihta na piu wihka pali, piarka mairin lâka ba wapni dauki yaia want apia kan. Kuna ningkara lukan: ‘Yang lika Gâd ra sibrin lukras, upla ra sin kulkras,

Luk 3:8

Diara nani dauki mariks, saurkam nani wina kupiam lakram tânka ba, bara man nani pana pana sin aisapara: ‘¡Yawan lika Ebraham kiamka!’; kan yang pali mita mai wisna, Gâd sip sa naha walpaya nani na brih, baha ni Ebraham kiamka nani daukaia.

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Luk 7:37

Baha tawanka ra mairin kum bâra iwi kan, witinka saurka lâka dadaukra kata. Witin tânka brin Jisas parisi ba watla ra plun piaia wan, bamna witin alabaster batilka kum ra batana laya kîa pain ba brih, bahara wan.

Luk 7:38

Mairin ba ini Jisas lamara wih, witin mina nani ra ai nakra laya ni buskan. Ningkara, ai tâwa ni dikan, kiawalan, batana kîa pain ba ni sin yukan.

Luk 7:40

Bamna Jisas parisi ba ra win: —Saiman, yang diara brisna man ra mai wiaia. Parisi ba pana win: —Ai wis, Smasmalkra.

Jan 4:19

Naha walan ba ra, mairin ba bila: —Mâsa, yang kaikisni man na prapit kum sma.

Jan 7:12

Upla nani ba tilara manis Jisas dukiara aisi kan. Tila nani bila: “Baha ba waitna pain kum sa”; kuna wala nani bila: “Baha ba upla pain apia sa, kan upla ra kunin munisa.”

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.